Ucom-ի սպասարկման կենտրոնն Արտաշատում վերաբացվել է նոր հասցեում

Ucom-ի՝ Արտաշատի սպասարկման կենտրոնը վերաբացվել է նոր՝ Օգոստոսի 23-ի փ․ 93 հասցեում։ Նորացված կենտրոնը հաճախորդներին առաջարկում է առավել հարմարավետ պայմաններ և ժամանակակից միջավայր՝ Ucom-ի ծառայություններից օգտվելու, մասնագիտական խորհրդատվություն ստանալու և ընկերության նոր առաջարկներին ծանոթանալու համար։
Արտաշատի սպասարկման կենտրոնը Ucom-ի վաճառքի և սպասարկման 73 կենտրոններից մեկն է։ Այստեղ մեկ վայրում ներկայացված են ընկերության շարժական և ֆիքսված կապի, հեռուստատեսային ծառայությունների, Wi-Fi լուծումների և խելացի սարքերի առաջարկները։ Հաճախորդները կարող են ընտրել իրենց կարիքներին համապատասխան ծառայություններ, ձեռք բերել սարքեր և ստանալ անհրաժեշտ աջակցություն։ 
«Մեզ համար կարևոր է, որ Ucom-ի ծառայություններից օգտվելը լինի հնարավորինս պարզ և հարմարավետ՝ անկախ նրանից, թե Հայաստանի որ քաղաքում կամ համայնքում է բնակվում մեր բաժանորդը։ Սպասարկման կենտրոնների արդիականացումը հենց այդ մոտեցման մասն է։ Մենք ձգտում ենք ստեղծել միջավայր, որտեղ հաճախորդը կարող է ոչ միայն արագ լուծել իր հարցերը, այլև ծանոթանալ տեխնոլոգիական նոր հնարավորություններին և ընտրել իր առօրյան ավելի հարմարավետ դարձնող լուծումներ», -  նշել է Ucom-ի գլխավոր տնօրեն Ռալֆ Յիրիկյանը։
Արտաշատի սպասարկման կենտրոնում՝ նոյեմբերի 6-ից 13-ը ներառյալ, բոլոր նրանք, ովքեր կգնեն ցանկացած սմարթֆոն, կստանան Canyon ապրանքանիշի անլար ականջակալ։ 
Ucom-ը հետևողականորեն զարգացնում և արդիականացնում է իր վաճառքի և սպասարկման կենտրոնների ցանցը՝ նպատակ ունենալով բարելավել սպասարկման որակը, ընդլայնել ծառայությունների հասանելիությունը և Հայաստանի տարբեր համայնքներում բաժանորդներին առաջարկել միասնական սպասարկման փորձառություն։

Այս թեմայով Եվրոպայում խուճապ է տարածվում. տասնյակ նոր ինքնաթիռներ ստանում են ռումբի մասին սպառնալիքներ Քուշներ. ԱՄՆ-ն ցանկանում է կառուցել նոր եվրոպական անվտանգության համակարգ, որը հաշվի կառնի Ռուսաստանի շահերը Նոր կենսաչափական փաստաթղթեր ստանալու նախագրանցումը՝ քայլերով. ՆԳՆ. տեսանյութ ԱՄՆ նոր Կոնգրեսը կունենա բացահայտ ԼԳԲՏ-ականների ռեկորդային թիվ Ֆրանսիայում զանգվածային բողոքի ցույցերի նոր ալիք է. Փարիզի փողոցներ է դուրս եկել 270,000 մարդ