Իսկ 2018-ին ուրիշների երեխաների «տարոսը» բերելիս չէի՞ք հուզվում․ ԶԱՐՄԱՆՔ

Արդարադատության նախարար ՍՐԲՈՒՀԻ ԳԱԼՅԱՆԻ համար եթե մի քանի օր առաջ «Ուժեղ Հայաստան» կուսակցության Ստեփանավանի ՏԻՄ ընտրությունների թեկնածու Արսեն Գեւորգյանի` կալանավայրում հանկարծամահ լինելը լոկ վիճակագրություն էր, եւ նա հայտարարում էր, որ նման դեպքեր տեղի են ունենում ինչպես ամբողջ աշխարհում, այնպես էլ քրեակատարողական հիմնարկներում, հիմա այս թեմայով անգամ հուզվում է։ «Ես կարող եմ հասկանալ ժողովրդի նյարդային լինելը։ Իհարկե, միշտ սահմաններ կան, որը խորհուրդ չի տրվում անցնել, օրինակ՝ երբ որ գրում են` տարոսը քո երեխային», - լրագրողների հետ ճեպազրույցում ասել է Գալյանն ու այլեւս չկարողանալով շարունակել խոսքը՝ հուզված հեռացել է։ Այո՛, սահմաններ կան, եւ դրանք անցնել չի կարելի։ Բայց զարմանալին այն է, որ տիկին Գալյանը հիմա է միայն այդ սահմանների մասին հուզված խոսում։ Լավ կլիներ՝ նույնքան հուզվեր նաեւ 2018-ին, երբ իշխանության եկող նիկոլականները մարդկանց տների մոտ դագաղներ էին տեղադրում, սեւ ժապավեններ կապում, ծաղկեպսակներ ուղարկում՝ ուրիշների երեխաների ու ծնողների անուններով։ Այդ ժամանակ այդ ամենը սահմանների անցում չէ՞ր, ատելության սերմանում չէ՞ր, մարդկային ցավը քաղաքական զենք դարձնել չէ՞ր։ Իսկ այսօր նո՞ր հանկարծ պարզվեց, որ մահվան թեմայով չի կարելի մարդկանց ցավեցնել։ Այո՛, ոչ մեկի երեխային նման բան մաղթել չի կարելի։ Հետեւապես, մարդկանց ցավի վրա քաղաքականություն կառուցելուց առաջ պետք էր հիշել, որ բումերանգի օրենքը դեռ ոչ ոք չի չեղարկել։ Ինչ ցանել եք, այն էլ հնձում եք։

Ի դեպ, այս թեմայով ոչ պակաս ուշագրավ է ԱԺ «Հայաստան» խմբակցության, ապա անկախ-նիկոլական դարձած նախկին պատգամավոր ԳԵՂԱՄ ՆԱԶԱՐՅԱՆԻ հայտարարությունը։ «Անբարոյական են բոլոր նրանք, մարդու հետ կապ չունեցող արարած, ովքեր փորձում են շահարկել Արսեն Գեւորգյանի մահը, ովքեր դիմելով իշխանություններին, ասում են` դուք մարդ եք սպանել։ Իսկ ձեզ հարց տվել եք, թե ով է Նուբարաշենն այդպիսին դարձրել, ով է այդ երիտասարդին խաբել եւ... Ձայներդ կտրեք ու վեր ընկեք ձեր տեղերը։ Ո՛չ ձեր ընկերոջն եք հարգում, ո՛չ էլ` ժողովրդին», - շեշտել է նա։ Իսկ մենք ակամայից հիշեցինք նույն Գեղամ Նազարյանին, երբ ոչ վաղ անցյալում՝ 2021 թվականին, «Հայաստան» դաշինքի նախընտրական քարոզարշավին պատրաստվելիս՝ գոռում էր․ «Ես նայում եմ Նիկոլի աչքերին ու ասում՝ Նիկո՛լ, դու ես սպանել իմ Աբգարին ու մյուս աբգարներին, Դավիթին, Նարեկին, Արամին, Արմենին... Բոլորին դու ես սպանել, այդ 5 կամ 7 հազար տղաներին դու ես սպանել քո հանցավոր գործողությունների արդյունքում»։ Ի՞նչ ասես, հետաքրքիր է՝ Գեղամ Նազարյանի այսօրվա հայտարարությունները հետադարձ ուժ ունե՞ն, գնահատականները թողնում ենք ընթերցողին․․․

Իսկ Նիկոլ Փաշինյանի զուգընկերուհի ԱՆՆԱ ՀԱԿՈԲՅԱՆԸ սոցցանցում տեսանյութ է հրապարակել ու «թաղել» նրանց, որոնց աշխատանքային պարտականությունն այն է, որ մայրաքաղաքի A կետից C կետ հասնելու համար մարդուց չպահանջվի տիեզերագնացի առողջություն, հատկապես՝ ամուր սիրտ-անոթային եւ նյարդային համակարգ։ Աննա Հակոբյանը հարց է բարձրացնում․ «Ի՞նչ պետք է անել, որ տնտեսական աճի, սնկի նման աճող շենքերի, բնակչության թվի աճի, մեքենաների թվի աճի, զբոսաշրջիկների թվի աճի հետ մեկտեղ քաղաքում ապրելն ու տեղաշարժվելն ինֆարկտի բուն չդառնան»։ Ո՞ւմ է ասում Աննա Հակոբյանը՝ Տիգրան Ավինյանի՞ն, թե՞ նրան ընտրողների մոտ 9.16 տոկոսի, իսկ ընտրություններին մասնակցածների 32.57 տոկոսի ձայներով քաղաքապետ դարձրած Նիկոլ Փաշինյանին։

 ԶԱՐՄԱՑԱԾ Է «ԻՐԱՎՈՒՆՔ»-Ը

Այս թեմայով Тише едешь, дальше будешь․ ԸՆԿԵՐ ՓԱՆՋՈՒՆԻ Իսկ 2018-ին ուրիշների երեխաների «տարոսը» բերելիս չէի՞ք հուզվում Գալյանը հուզվեց. «ժողովրդի նյարդային լինելը հասկանում եմ, բայց ինձ գրում են՝ տարոսը քո երեխային» ՔՊ-ականներին հանձնարարվել է տարածե՞լ Աննա Հակոբյանի տեսանյութը․ ԲԱՄԲԱՍԱՆՔ Տեր-Պետրոսյանին պետք է խնդրել ասի, թե Լիպարիտյանն ո՞վ է, ո՞ր երկրի գործակալն է, բացահայտ լրտես է