Ռուսաստանը առաջարկել է ՆԱՏՕ-ին վերադառնալ 1997 թվականի պայմաններին և հրաժարվել հետագա ընդլայնումից. The New York Times

Ռուսաստանը առաջարկել է ՆԱՏՕ-ին վերադառնալ 1997 թվականի պայմաններին և հրաժարվել հետագա ընդլայնումից,հայտնում է The New York Times-ը:

Ըստ NYT-ի, ռուսական կողմը Աբու Դաբիում կայացած բանակցությունների ժամանակ ներկայացրել է մի փաստաթուղթ, որը պարունակում է եվրոպական նոր անվտանգության ճարտարապետության առաջարկներ: Դա հաստատել են The New York Times-ի երկու աղբյուրները:
Մոսկվան առաջարկում է ՆԱՏՕ-ին հրաժարվել հետագա ընդլայնումից և ռազմական գործունեությունից Ուկրաինայում, Արևելյան Եվրոպայում, Հարավային Կովկասում և Կենտրոնական Ասիայում:
Ըստ փաստաթղթի, Դաշինքը պետք է դուրս բերի զորքերը և ռազմական ենթակառուցվածքները իր արևելյան թևից, այդ թվում՝ Լեհաստանից և Բալթյան երկրներից, փաստացի վերադառնալով 1997 թվականի կոնֆիգուրացիային:
Առաջարկությունները նաև կոչ են անում դադարեցնել Արևմտյան զենքի մատակարարումները Ուկրաինա, իսկ Ֆրանսիան և Մեծ Բրիտանիան պետք է հրաժարվեն իրենց միջուկային երաշխիքներից այլ եվրոպական պետությունների համար: Ըստ NYT-ի, փաստաթուղթը թվագրված է նոյեմբերի 10-ով և հիմնականում կրկնում է 2021 թվականի դեկտեմբերին ներկայացված անվտանգության երաշխիքների վերաբերյալ Ռուսաստանի առաջարկները:

The New York Times-ը շեշտում է, որ սա ներկայացնում է Մոսկվայի ոչ պաշտոնական բանակցային դիրքորոշումը: Լեհաստանի վարչապետ Դոնալդ Տուսկն արդեն հայտարարել է, որ նման պայմանների ընդունումը կսպառնա իր երկրի անվտանգությանը:

Այս թեմայով ԱՄՆ-ն Ուկրաինային առաջարկել է անդամակցել ՆԱՏՕ-ին՝ Դոնբասից զորքերը դուրս բերելու դիմաց․ Զելենսկի Ռուսաստանը բարելավել է «Իսկանդեր» հրթիռների ճշգրտությունը մինչև մի քանի մետրի սահմաններում. The Telegraph Ռուսաստանը սկսել է «Բանդերոլ» հրթիռներն արձակեկ ցամաքային հարթակներից Հաքերները կոտրել են Ուկրաինայի համար անօդաչուներ արտադրող գերմանական ընկերության տեխնոլոգիական բազան. Financial Times Ռումինիան պատրաստ է վճարել ԱՄՆ-ին լրացուցիչ զորքերի տեղակայման համար. Financial Times