Եվրոպան պետք է վերականգնի Ռուսաստանի հետ ուղիղ երկխոսությունը՝ պատերազմից խուսափելու համար. Financial Time
ՄիջազգայինԵվրոպան պետք է վերականգնի Ռուսաստանի հետ ուղիղ երկխոսությունը՝ պատերազմից խուսափելու համար, գրում է Financial Times–ը:
Բրիտանիայի Համատեղ հետախուզական կոմիտեի նախկին ղեկավար Սայմոն Գասը զգուշացրել է, որ այսօրվա գլխավոր սպառնալիքը հակառակորդի մտադրությունների սխալ հաշվարկն է, որը կարող է անվերահսկելի սրացում առաջացնել՝ հանգեցնելով միջուկային հակամարտության։
FT-ի համար հոդվածում նա հիշեցրել է 1983 թվականի իրադարձությունները, երբ ԽՍՀՄ-ն երկու անգամ ԱՄՆ-ի և ՆԱՏՕ-ի գործողությունները գրեթե ընկալեց որպես միջուկային հարվածի նախապատրաստություն։
Հեղինակը կոչ է արել ՆԱՏՕ-ի եվրոպական երկրներին` վերականգնել ռազմական և դիվանագիտական կապերը Ռուսաստանի հետ՝ շարունակելով աջակցել Ուկրաինային և ամրապնդել իրենց սեփական պաշտպանությունը։
«Եվրոպական ՆԱՏՕ-ի անդամները պետք է նույնքան ջանք գործադրեն պատերազմը կանխելու համար, որքան դրան նախապատրաստվելու համար», - ընդգծել է Գասը։

