Նոր փոփոխություն` սոցփաթեթում. պոլիկլինիկա գնալու կարիք չի լինի

Առողջապահության նախարար Լևոն Ալթունյանը Կառավարության այսօրվա նիստին ներկայացրեց  մի նախագիծ,  ըստ որի` սոցփաթեթի շահառուների համար պետության հաշվին բժշկական օգնություն ստանալու կարգը ազատականացվում է։  Պետական ծառայողները դիմելու են ոչ թե պոլիկլինիկա, այլ անմիջապես այն բուժհաստատությանը, որտեղ իրենք ցանկանում են բուժվել։

Սոցփաթեթով բուժօգնություն ստանալու համար պարտադիր է նույնականացման քարտի առկայությունը և բժշկական ապահովագրությունը։  Կառավարության նիստից հետո նախարար Լևոն Ալթունյանը լրագրողների հետ զրույցում մանրամասնեց  նախագիծը. «Մինչ օրս մենք ունեինք կանխավճարային մոդիֆիկիացիա, իսկ սեպտեմբերից կլինի  հետվճարային համակարգ: Նախկինում տարվա սկզբին հիվանդանոցներին  տալիս են ինչ-որ լիմիտավորված գումար: Այդ գումարի սահմաններում նրանք ծառայություն են  տալիս այն քաղաքացինեին, որոնք դիմել են բուժօգնության համար: Այդ գործող բանաձևի ամեմամեծ մինուսն այն է, որ եթե հիվանդանոցը լավ է սպասարկում և  պահանջարկ ունի, նրան տրամադրված գումարները ավարտվում են օրացույցային տարվա ավարտից շատ ավելի շուտ, հերթեր են կուտակվում, իսկ այն հիվանդանոցները, որոնք առանձնապես պոպուլյար չեն մեր բնակչության շրջանում, այդ գումարը ունենում են մինչև տարվա վերջ: Այսուհետ սոցիալական փաթեթի աշխատակիցների համար նախատեսված գումարը չի բաշխվելու տարվա սկզբին: Ստեղծվելու է ռեզերվային ֆոնդեր ապահովագրական ընկերությունների ներքո:  Հաճախորդը որևէ հիվանդանոցի դիմելիս պետք է  միայն զանգահարել ապահովագարական ընկերություն և տեղյակ պահի, որ նա որոշել է բուժվել այս կամ այն բուժհաստատությունում, որից հետո ապահովագրական ընկերություն-բուժհաստատություններ հարաբերություններն են ուժի մեջ մտնում»: 

«Իրավունք»-ի հարցին` ո՞վ է  հսկելու  ապահովագրական ընկերություն-բուժհաստատություն աշխատանքը, Ալթունյանի խոսքով` ապահովագրական ընկերությունների աշխատանքը կհսկի ԿԲ-ը: Իսկ ապահովագրություն-բուժհաստատություն պայմանագիրը  կվերահսկի առողջապահական պետական գործակալությունը:

ՍՈՆԱ ԴԱՎԹՅԱՆ

Այս թեմայով Տարվա մեջ 2-ից ավել նեղ մասնագետի խորհրդատվության դեպքում երեխաների համար համավճար է գործում. ԱՆ ահազանգի հետքերով Հիվանդանոց դիմած 12 ոստիկաններից 3-ին բուժօգնություն է ցուցաբերվել. ԱՆ Վարդան Ղուկասյանի մոտ սրտամկանի սուր ինֆարկտի հավանականությունը խիստ բարձր է. Քաղաքապետի անձնական բժիշկը մանրանասներ է ներկայացնում «Ժողովուրդ». Քաղաքացիներին բուժօգնություն չի տրամադրվել, սակայն ՄԻՊ-ը միայն նամակներ է գրում Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննության պահանջը