Լևոն Խեչոյանը երեկվա, այսօրվա և վաղվա գրողն է

   Վերահրատարակվել է ետանկախության շրջանի հայ գրականության ամենանշանակալի դեմքերից մեկի՝ ԼևՈՆ ԽԵՉՈՅԱՆԻ «Սև ԳԻՐՔ, ԾԱՆՐ ԲԶԵԶ» գիրքը:
   Գրքի  շնորհանդեսը տեղի ունեցավ «Նոյյան Տապան» գրախանութում մեծ գրողի ծննդյան օրը՝ դեկտեմբերի 8-ին:

   Գրականագետ ԵՐՎԱՆԴ ՏԵՐ-ԽԱՉԱՏՐՅԱՆԻ խոսքով Խեչոյանի գրականությունը բացառիկ է. ‹‹Իր լեզվամտածողությունը աննման էր: Պարզ բառարանային բառեր էին, սակայն շատ գեղեցիկ շարադրված ու համադրված: Նրա ‹‹Խնկի ծառեր›› գիրքը մի ամբողջ տիեզերք է: Նրա մտահոգությունը հայրենիքն էր, հայ մարդը՝ ուրիշ տեսակ տեսնված: Շատ քչերն են ունակ այդպես տեսնելու››, -ասաց նա:

   «Սև ԳԻՐՔ, ԾԱՆՐ ԲԶԵԶ» վեպը պատերազմի ու արվեստագետի մասին է: Արվեստագետի, որը տեսնում է մահվան խավարն ու աստղերի լույսը, որն իր կյանքի լավագույն տարիներին թափառում է մահվան և երջանկության եզրին` հավատալով մարդուն, նրա հաղթանակին: Խեչոյանն անցել է այդ պատերազմի բովով և մեր գրականություն արդեն նորովի մեկնաբանությամբ և գեղարվեստական մշակումով ներմուծելով այդ թեման: Ինչպես գրողի, այնպես էլ ընթերցողի համար այս առումով պատերազմը դարավոր ոսոխի դեմ վավերականության և պատմական փաստի արժեք ունի, ուստի կրկնակի դժվարանում է թեմայի գեղարվեստական մշակման, գրականացման խնդիրը: Խեչոյանն ընտրել է օրագրային ոճը, ինչը իրականության արտացոլման առավելագույն ճշգրտություն է ապահովում:

  Համարձակվում եմ ասել, որ Լևոն Խեչոյանի գրականությունը ինքը չի գրել, դա գրել է հայոց մեծ լեզուն, -ասաց ԵՐՎԱՆԴ ՏԵՐ-ԽԱՉԱՏՐՅԱՆՆ ու հավելեց, որ Լևոնը լեզվի,  ժողովրդի գրողն է:

Գրականագետն անկեղծանում է, որ Խեչոյանի գրքերի հետ ամեն մի հանդիպումը տոն է. ‹‹Եթե մարդը գրականությունից գեղագիտական բավականություն է ստանում, ապա Լևոն Խեչոյանի պարագային այդ բավականությունը կատարյալ է, որովհետև ցավոք այդօրինակ գրականություը այսօր շատ չի: Լևոն Խեչոյանը երեկվա գրողն էր, Լևոն Խեչոյանը այսօրվա գրողն է և վստահ եմ, որ Լևոն Խեչոյանը նաև վաղվա,  ապագա սերնդի գրողն է լինելու››, -նշեց Տեր-Խաչատրյանը:

  Գրողների միության նախագահ ԷԴՎԱՐԴ ՄԻԼԻՏՈՆՅԱՆՆ էլ ասաց, որ Խեչոյանի գիրը կապրի հավերժ. ‹‹Միասին Ավստրիա էինք հրավիրվել, մի շարք հանդիպումներ ունեցանք: Նրա պատերազմական վիճակը նկարագրող ‹‹Հողի դողը›› պատմվածքը մեծ ազդեցություն էր թողնում նաև այնտեղի ընթերցողի վրա, որովհետև ինքը պատերազմը ներկայացնում է ոչ թե որպես կռվող կողմերից մեկ, այլ մի ուրիշ կետից՝ վերևից է նայում այդ երևույթին: Ինքը երևույթի դեմ էր, չէ որ երկու կողմում էլ տառապող, կռվող և զոհվող մարդիկ էին, - ասաց պարոն Միլիտոնյանը և ավելացրեց, որ միասին եղել են նաև Մոսկվայում, որտեղ ևս Խեչոյանն իր ընթերցողն ունի: ‹‹Լևոնի գրականությունը կմնա այնքան ժամանակ, քանի դեռ մարդիկ սիրում են գրականությունը և ընթերցում են››, -եզրափակեց Միլիտոնյանը:

  Լևոն Խեչոյանի ստեղծագործությունները թարգմանվել են ռուսերեն, ուկրաիներեն, անգլերեն, իսպաներեն և այլ լեզուներով։

  «Սև գիրք, ծանր բզեզ» վեպի համար 2000 թ.-ին հեղինակը արժանացել է «Ոսկե եղեգն» մրցանակի:

  Այս անգամ գիրքը հրատարակվել է  200 օրինակով:

ՀԵՐՄԻՆԵ ԿԱՐԱՊԵՏՅԱՆ

Այս թեմայով ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել «Խլուրդը դո՛ւք եք, գաղտնիք բացեմ՝ ձեզնից ա ինֆորմացիան եկել»․ Լևոն Քոչարյանը՝ Նիկոլ Փաշինյանին Բաղդասարյանների գերդաստանը Խաչվերածը նշեց հավերժի ճամփան բռնած ՆԻՆԱ ՄԱՅՐԻԿԻ հիշատակի առաջ խոնհարմամբ Չշփոթել իշխանությունը իրավունքի հետ, օրենքը՝ կամայականության հետ, իսկ լռությունը՝ խաղաղության հետ Լևոն Բաղդասարյանի կողմից հնչեցված յուրաքանչյուր գնահատական ինձ համար առանձնահատուկ արժեք ունի. Հրանտ Սարաֆյանի շնորհակալական խոսքը