«Որեւէ մեկի հետ վատ հարաբերություն չունեմ». Տավուշի մարզպետը վիրավորել է գյուղապետին` «դուրակ լակոտ» անվանելով

Երեկ Կառավարության նիստերի դահլիճում կայացած գյուղապետերի քննարկմանը՝ Տավուշի մարզպետ Հովիկ Աբովյանը, արձագանքելով Բարեկամավան համայնքի ղեկավարի ելույթին, գյուղապետին «դուրակ լակոտ ա» անվանել: «Իրավունք»-ը Բարեկամավան գյուղի գյուղապետ Գագիկ Աբազյանից հետաքրքրվեց` ինչպե՞ս  է արձագանքում  Տավուշի մարզպետի այս հայտարարությանը: «Ես ոչ մեկի հետ վատ հարաբերություն չունեմ: Ինքն է արել հայտարարությունը, թող ինքն էլ ասի` ինչի է արել»,- ասաց Բարեկամավանի գյուղապետը:

Գագիկ Աբազյանը նաեւ ասաց, որ Տավուշի մարզպետ Հովիկ Աբովյանից իր հասցեին հնչեցրած հայտարարության համար պարզաբանում չի պահանջել եւ այս պահին էլ որեւէ քայլ չի ձեռնարկելու:

ԱԺ-ում պատգամավորների հետ հարցուպատասխանի ժամանակ էլ  ՀՀ տարածքային կառավարման եւ զարգացման նախարարի առաջին տեղակալ Վաչե Տերտերյանն էլ  ասաց, որ գյուղապետի վերաբերյալ որեւէ նման բան չի լսել: «Եթե նիստից հետո է տեղի ունեցել, ցավում եմ, որովհետեւ նա շահարգիռ երիտասարդներից է»,-ասաց  փոխնարարարը:

Վաչե Տերտերյանի խոսքով` եթե մամուլում հրապարակում եղել է, կարժանանա նաեւ վարչապետի ուշադրությանը:

Սոնա Դավթյան

Այս թեմայով 2023 թվականին Արցախը մենակ մնաց Ադրբեջանի ու Թուրքիայի ագրեսիայի դեմ. Գագիկ Բաղունց ՄԻԵԴ-ը մերժել է Գագիկ Խաչատրյանի փաստաբանական թիմի կողմից ներկայացված միջանկյալ միջոց կիրառելու պահանջը Գերմանիայից ժամանած բժշկին թույլ չեն տվել «Երևան-Կենտրոն» ՔԿՀ-ում զննել Գագիկ Խաչատրյանին․ հայտարարություն Գագիկ Ղազինյանը հայց է ներկայացրել ԵՊՀ-ի դեմ Գագիկ Խաչատրյանի փաստաբանները պարզաբանում են ներկայացրել 193 գույքի և պարտատոմսերի վերաբերյալ