Արտակարգ իրավիճակ` Արթիկում. Քաղաքային դեղատուն  փողոցը հեղեղվել է

ԱԻ նախարարությունն այսօր տեղկացրել է, որ Շիրակի մարզի Արթիկ քաղաքում սելավատարերի խցանման հետևանքով ջրալցվում են քաղաքի գլխավոր փողոցները: «Իրավունք»-ը Արթիկի բնակիչներից մեկից տեղեկացավ, որ երեկվանից Արթիկում հորդառատ անձրեւ է գալիս, հետեւաբար տեղի ունեցածն այնքան էլ անսպասելի չէ, չնայած նման ծավալով հեղեղ քաղաքում առաջին անգամ են տեսնում:Ականատեսի խոսքով` ջրալցվել է Արթիկ քաղաքի  այսպես կոչված Քաղաքային դեղատուն  փողոցը, մանկապարտեզը, որի մասին նաեւ նախարարությունն է  իրազեկել:

 Նախարարությունը նաեւ տեղեկացրել է, որ ջրալցված հատվածներում ջրի մակարդակը հասնում է մոտ 40 սմ-ի: Ջրալցվել է նաև Արթիկի թիվ 2 մանկապարտեզը, որտեղից փրկարարները դուրս են բերել 70 երեխա և 23 աշխատակից:

Ղարիբջանյան փողոցում վնասվել է կամուրջի հիմքը, Ազատության փողոցի թիվ 25 տունը մասնակի փլուզվել է, որոշ անասնագոմերում սատկել են անասուններ:

Ի դեպ, Արթիկում արդեն լուրեր են շրջանառվում քաղաքապետարանի անգործության մասին: Ինչո՞ւ քաղաքապետարանը կանխարգելիչ գործողություններ չի արել, չի մաքրել սելավատարերը չի մաքրել նման իրավիճակից դուրս գալու համար: Թե որքանով են լուրերն իրական, պարզ կդառնա արտակարգ իրավիճակից դուրս գալուց հետո: Բայց փաստ է, որ նախընտրական շրջանում Արթիկի քաղաքապետի համար տեղի ունեցածը քարոզչության առումով այնքան էլ դրական  չլինի: 

Սոնա Դավթյան

Այս թեմայով «Ժողովուրդ». Թեժ իրավիճակ՝ Մեղրիի ընտրությունների նախաշեմին ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Շնորհիվ բկ-ի սրտացավ տնօրենի՝ այստեղ առաջին բուժօգնությունը իրականացվում է վարկյանների ընթացքում՝ անկախ սոցիալական կարգավիճակից Լրջագույն խնդիր, որի պատասխանատուն ու կրողը քաղաքային իշխանությունն է Այո՛, իմ իրավապաշտպան գործունեության ընթացքում նման դեպքերի ականատես եղել եմ, ինչպես առաջին,այնպես էլ երկրորդ ,երրորդ նախագահների օրոք. ԲԱՑԱՌԻԿ