«Նեմրան» կմասնակցի ապրիլյոթյան համերգային ծրագրին (Տեսանյութ)

Այսօր «Իրավունքի» «Ուղիղ կապ» խորագրի հյուրը Երեւանի քաղաքապետարանի աշխատակազմի մշակույթի վարչության պետ ՌՈՒԲԵՆ ՀՈՎՀԱՆՆԻՍՅԱՆՆ էր: Մեր ընթերցողների եւ ֆեյսբուքյան օգտատերերի կողմից հնչած բազմաթիվ հարցերի շարքում` անդրադարձ կատարվեց նաեւ Ապրիլի 7-ին` Մայրության եւ գեղեցկության տոնին, նախատեսված երեւանյան միջոցառումներին:

- Պարոն Հովհաննիսյան, ապրիլի 7-ին համերգ լինելո՞ւ է: «Նեմրան» մասնակցելո՞ւ է: Եթե` այո, ապա ե՞րբ, որտե՞ղ եւ ո՞ր ժամին: (ԱՐՄԻՆԵ ԿԱՐԱՊԵՏՅԱՆ)

- Ապրիլի 7-ը շատ բազմաբովանդակ է լինելու` պարուրված անակնկալներով: Վստահեցնում եմ, որ «Նեմրան» մասնակցելու է տոնակատարությանը եւ լինելու է Շառ Ազնավուրի հրապարակում` երեկոյան համերգային ծրագրին: Մենք ոչ միայն Շառլ Ազնավուրի հրապարակում ունենք տեղադրված հարթակ, այլ նաեւ Հյուսիսային պողոտայում, որտեղ նույնպես նախատեսվում է համերգային ծրագիր: Եվ ընդհանրապես` ամբողջ քաղաքում կլինի տոնական տրամադրություն:

- Ապրիլի 7-ին ի՞նչ անակնկալներ են սպասվում քաղաքում: (ԱՆԱԻԴԱ ՄԵՍՐՈՊՅԱՆ)

- Անակնկալների մասին չեն խոսում, միայն կոչ եմ անում` դուրս եկեք փողոց եւ եղեք հենց մասնակիցը այն տոնական միջոցառումներին, որոնք մենք նախաձեռնել ենք: Ամեն դեպքում, չակերտները մի փոքր բացելով` ասեմ, որ ապրիլյոթյան մեր այս տարվա միջոցառումը շատ է տարբերվում նախորդ տարիներից: Այն ավելի շատ հագեցած է լինելու ֆլեշմոբերով` քաղաքի տարբեր անկյուններում, պուրակներում, խաչմերուկներում:

Հիշեցնենք, որ նախորդ շաբաթ կայացած «Ծիծեռնակ» ազգային երաժշտական երկրորդ մրցանակաբաշխության ժամանակ, որն ամփոփում էր 2017 թվականի ընթացքում երաժշտության բնագավառում աչքի ընկած կատարողների ու ստեղծագործողների արած աշխատանքը, «Նեմրան» ճանաչվեց Տարվա «Լավագույն ռոք խումբ»:

ՀՐԱՆՏ ՍԱՐԱՖՅԱՆ

Հ.Գ.- «Ուղիղ կապի» ընթացքում հնչած մյուս հարցերին եւ դրանց պատասխաններին կարող եք ծանոթանալ «Իրավունք» թերթի ապրիլի 11-ի համարում:

Այս թեմայով Թատրոնը երբեք այսքան պահանջված չի եղել, որքան այսօր․ Անդրեյ Վասիլեւ «Հրապարակ»․ «Շիշ բռնողը» կմասնակցի Երեւանի ընտրություններին Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի Այդ ե՞րբ է պետականություն գաղափարը մտահոգել փողոցով եւ փողոցից եկածներին... Նիկոլ Փաշինյանը մասնակցում է «ՀայՓաս» ընկերության Երևան մոլի նոր գրասենյակի բացման արարողությանը․ ուղիղ