Գորիսը ԱՊՀ մշակութային մայրաքաղաք` այն այցելուներին հիացնում է ոչ միայն բնությամբ, այլեւ մշակույթով

Հուլիսի 7-ին ԱՊՀ երկրների մշակութային մայրաքաղաք հռչակվեց Գորիսը, այդ առթիվ` Գորիսի ճանապարհի հարակից հատվածում բացվեց «Զանգեր» հուշարձանը, որով էլ մեկնարկեց երկօրյա միջացառումների շարքը:

Ծրագրի շրջանակներում Գորսիը հյուրընկալել է ԱՊՀ ութ երկրից 150 ներկայացուցչի, որոնք  հնարավորություն ունեն մասնակցել ցուցահանդեսների, համերգային ծրագրերի` ծանոթանալով հայ մշակույթի առանձնահատկություններին: Ակսել Բակունցի թանգարանում երկօրյա ծրագրից լրագրողների հետ հանդիպման ժամանակ  խոսեցին միջոցառումների կազմակերպիչերն ու աջակիցները. «Ուրախ եմ, որ ԱՊՀ մշակութային մայրաքաղաք ընտրվել է հենց Գորիսը, քանի որ կարող ենք հարուստ ճարտարապետական մշակույթ ներկայացնել եւ   հիացնել մեր բնությամբ: ԱՊՀ  մշակութային մայրաքաղաք միջոցառումների նախաձեռնությունը պատկանել է Հայաստանին, եւ այն յուրաքանչյուր տարի անցկացվում է տարբեր երկրներում»,-նշեց մշակույթի նախարար ԼԻԼԻԹ ՄԱԿՈՒՆՑԸ եւ ընդգծեց, որ  միջոցառման հիմնական նպատակներից է տարածաշրջանի մշակութային կապերի ներկայացումը, դրանց ամրապնդումն ու պահպանումը:

ՌԴ նախագահի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյի խոսքով` հաճելի է գտնվել Ա. Բակունցի թանգարանում:
Նրա բնորոշմամբ, Բակունցը հաճախ էր  անդրադարձել այն Գորիսին, որտեղ մեծացել էր եւ համեմատում էր հին ու նոր Գորիսները. «Մշակութային մայրաքաղաքները պարզապես փոքրիկ քաղաքներ չեն, որոնք պահանջում են ենթակառուցվածքների բարելավում: Դրանք քաղաքներ են, որոնք խոհրհդանիշ պետք է լինեն. Գորիսն այդպիսին է»,-ասաց նա և հավելեց, որ այս նախաձեռնությունը միտված է  խթանել  համայնքներում զբոսաշրջության զարգացմանը»:

Գորիսի քաղաքապետի տեղակալ Մենուա Հովսեփյանի խոսքով` մեծ պատիվ եւ պատասխանատվություն է Գորիսի ԱՊՀ մշակութային մայրաքաղաք լինելը: 

ԶՎԱՐԹ ԽԱՉԱՏՐՅԱՆ

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Հայ ռազմագերիների պաշտպանության հարցով դիմել եմ ՄԻՊ Անահիտ Մանասյանին․ Լիլիթ Գալստյան Երևանում կանցկացվի «Անցյալի ապագա» միջազգային էթնո-նորաձևության փառատոնը «Իրավունք». Լիլիթ Մակունցը որոշում ունի Կյանքից հեռացել է ՀՀ մշակույթի վաստակավոր գործիչ Սերգեյ Առաքելյանը