«Պոմիդորն ու վարունգը չէին սպասում, թե մայիսի 8-ին ով է վարչապետ դառնալու, որպեսզի որոշեն արագությամբ աճեն, թե` ոչ». քաղտեխնոլոգ

Քաղտեխնոլոգ ԱՐՄԵՆ ԲԱԴԱԼՅԱՆՆ անդրադառնալով կառավարության գործունեության 100 օրվան նվիրված հանրահավաքին, փաստեց, որ վարչապետ Նիկոլ Փաշինյանի համար ավելի հոգեհարազատ է, որպես հեղափոխական տրիբուն` խոսել հանրահավաքի ժամանակ, քանի որ հանրահավքն ավելի զգացմունքային է: Նրա խոսքով` ԱԺ ընտրությունների ժամանկ Նիկոլ Փաշինյանը ստացել էր 112 հազար ձայն, սակայն օգոստոսի 17-ին Հանրապետության հրապարակում այդքան մարդ չկար. «Հանրահավքը սկսվեց որոշակի ուշացումով, մինչեւ հրապարակը լցվեց մարդկանցով»,-նշեց քաղտեխնոլոգը:
Անդրադառնալով վարչապետի ելույթի մեսիջներին, Արմեն Բադալյանը նկատեց, որ այդ ելույթից հետո պարզվեց, որ Հայաստանում ստեղծվելու է իշխանության նոր մարմին` Հանրապետության հրապարակը. «Հարց է առաջանում` այդ մարմինը Սահմանադրությամբ կա՞, թե` ոչ: Պարզվում է, որ ոտքի վրա կարելի է ստեղծել իշխանության նոր մարմին: Նորմալ կլիներ, եթե վարչապետն ասեր, որ հարցերը քննարկելու են հրապարակում, միայն նշեց, որ այստեղ ստեղծվելու է նոր մարմին, որը ստեղծել է կառավարությունը, որտեղ որ նախարարները պետք է ներկայացնեն հաշվետվություն»,-նշեց Արմեն Բադալյանը եւ ընդգծեց, որ եթե որեւէ մարմին է ստեղծվում, ապա ստեղծողները պարտավոր են ներկայացնել դրա ստեղծման գործընթացը, թե ինչպես է այն ձեւավորվելու. «Կա՛մ ընդունում ենք, որ այս ամենը պոպուլիզմ էր, կա՛մ մանրամասն սկսելու ենք քննարկել այդ մարմնի ձեւավորման գործընթացը: Ինչու մինչեւ այժմ մյուս կուսակցությունները կարծիք չեն հայտնել, թե արդյո՞ք  համաձայն են, որ նման մարմին ձեւավորվի»,-շեշտեց քաղտեխնոլոգը:
Ինչ վերաբերում է վարչապետի ելույթի մյուս հատվածին, Արմեն Բադալյանն ընդգծեց, որ խոսք չի եղել, թե տնտեսական զարգացման ինչպիսի մոդել է պետք. «Վարչապետը միայն նշեց, որ ավելացել է բանջարեղենի արտահանումը դեպի Ռուսաստան, սակայն սա ինչ կապ ունի կառավարության 100 օրվա հետ, կարո՞ղ է այդ պամիդորն ու վարունգը սպասում էին, թե մայիսի 8-ին ով է վարչապետ դառնալու, որ որոշեն արագությամբ աճում են, թե` ոչ: Պարզապես այս տարի լավ բերք է եղել եւ նորմալ արտահանվում է, սա ինչ կապ ունի իշխանափոխության հետ: Խոսք եղավ ներդրումների մասին, բայց եթե ուշադրություն դարձնենք, ապա  այս 100 օրվա մեջ որեւէ ներդրում չի եղել, չկա որեւէ խոշոր պայմանագիր ներդրումների վերաբերյալ: Վարչապետի ելույթի մեջ կար ոչ կոռեկտ արտահայտություն ուղղված դատական համակարգին, երբ հայտարարվեց, թե դատավորները տեղը չեն բերում, թե մայիսի 8-ին ինչ է տեղի ունեցել: Մեղավորներին դատելու համար դատավորները նայում են Քրեական օրենսգրքին, այժմ ի՞նչ պետք է անեն,  դատելուց առաջ հիշե՞ն մայիս ամսի իշխանափոխությունը: Նման բան կարող է ասել ընդդիմության առաջնորդը, բայց ոչ երկրի վարչապետը»,-ընդգծեց Ա. Բադալյանը:

ԶՎԱՐԹ ԽԱՉԱՏՐՅԱՆ

Այս թեմայով Բաբուխանյանը բարձրացրեց Արցախի օկուպացված քաղաքների հարցը Նիկոլին ու նրա ոճի պոպուլիստին կիրթ հասարակությունը ձեռնտու չէ. Արմեն Հովասափյան «Ժողովուրդ». Որտեղ են տեղցավորել ՀՀ նախկին ԱԽՔ Արմեն Գրիգորյանին Արմեն Գրիգորյանը նոր պաշտոն է ստացել միջազգային ընկերությունում «Ժողովուրդ». Փաշինյանը Արմեն Գրիգորյանի համար նոր պաշտոն է փնտրում