Փաստաբան «օրերս երեխայի առեւանգման փաստով քրեական գործ է հարուցվել»

«Իրավունքը» անդրադարձել էր Երեւանի բնակչուհի 25-ամյա Լենա Հարությունյանի պատմությանը, ով հունիսի 26-ին «Սուրբ Գրիգոր Լուսավորիչ» հիվանդանոցում ծննդաբերել է տղա երեխա: Սակայն որդուն հասցրել է տեսնել միայն մեկ անգամ, այն էլ, ինչպես ինքն է ասում՝ «գաղտնի»: Երեխային հենց հիվանդանոցից, նրա խոսքով` «փախցրել են»:Պատմությունը, որի մեջ հայտնվել է  Լենան այժմ դատարանում է, սպասում են քննության: Սակայն մինչ հանգուցալուծումը` դատարանը, որպես հայցի ապահովման միջոց, մյուս կողմին պարտադրել է, որպեսզի չխոչընդոտի Լենային՝ կրծքով կերակրել երեխային: Սակայն, Լենայի եւ նրա փաստաբանի խոսքով երեխայի հայրը անգամ դատարանի վճռից հետո` վերջինիս թույլ չի տալիս տեսնել եւ անձամբ կերակրել փոքրիկին: Ուստի այդ հանգամանքը հաշվի առնելով, ինչպես մեզ փոխանցեց Լենա Հարությունյանի փաստաբան Տիգրան Մուրադյանը.«Օրերս Նորքի քննչական բաժնում երեխայի առեւանգման փաստով քրեական գործ է հարուցվել: Մանրամասներին դեռ չեմ ցանկանում անդրադառնալ»:

Հավելենք, որ երեխայի հոր` Կարեն Հարությունյանի ներկայացուցչի տեսակետը վերոհիշյալ պատմության վերաբերյալ եւս առաջիկայում կներկայացնենք ընթերցողին:

ԻԼՈՆԱ ԱԶԱՐՅԱՆ

Այս թեմայով Հելոուինի պախմելից հլա դուրս չէր եկել, դրա համար գցեց ոտքին․ ԸՆԿԵՐ ՓԱՆՋՈՒՆԻ Չէի պատկերացնում, որ 2021-ին ձեւավորված պառլամենտից է՛լ ավելի վատ պառլամենտ հնարավոր է. Շահեն Հարությունյան ՀՐԱՏԱՊ. պետական ինքնիշխանության հաշվին արված սխալի բեռը կարող է մնալ սերունդների ուսերին Իշխանափոխությունը բավարար չէ. հիմա խնդիրն ընդդիմության դաշտում է․ Խոսրով Հարությունյան Հայրը իր 5-6 տարեկան երեխաների հետ նկարահանել է անպարկեշտ տեսանյութեր և վաճառել այն չաթերում՝ կրիպտոարժույթի դիմաց