Ինչպե՞ս է աղիքների վրա ազդում մեծ քանակությամբ ճարպ պարունակող դիետան

Մեծ քանակությամբ ճարպ պարունակող դիետան խախտում է աղիքների միկրոֆլորան եւ «օգտակար» բակտերիաների մուտացիաներ առաջացնում: Հետագայում այդ փոփոխությունները կարող են շաքարային դիաբետի, սրտանոթային հիվանդությունների, կաթվածի եւ այլ հիվանդությունների զարգացման հանգեցնել: Այս մասին նշվում է  Gut ամսագրում հրապարակված նոր հետազոտությունում:

 Չինաստանից գիտնականները 18-35 տարեկան ավելի քան 200 առողջ կամավորների մասնակցությամբ փորձ են իրականացրել: Նրանց բաժանել են 3 խմբի: Օրվա ընթացքում բոլորը հավասար քանակությամբ սպիտակուց են ընդունել, սակայն առաջին խմբի մոտ ընդհանուր սննդում ճարպի մասնաբաժինը կազմել է 20 տոկոս, երկրորդ խմբի մոտ՝ 30 տոկոս, երրորդի մոտ՝ 40 տոկոս:

6 ամիս անց մասնագետները գնահատել են կամավորների աղիքների միկրոֆլորայի վրա դիետայի ազդեցությունը: Պարզվել է, որ երրորդ խմբի ներկայացուցիչների մոտ օգտակար բակտերիաների, որոնք կարճ շղթայական ճարպաթթուներ են արտադրում,  զգալի նվազում  է նկատվել:

Միաժամանակ ավելացել է 2-րդ տիպի դիաբետով մարդկանց բոնորոշ միկրոօրգանիզմների թիվը:

Մասնագետները հիշեցրել են, որ ճարպերը պետք է օրվա կալորիաների ընդհանուր  թվի 25-30 տոկոսը կազմեն: Ամենավտանգավոր ճարպային մթերքների թվում են թխվածքները, ֆաստֆուդը, բեկոնը, նրբերշիկները եւ այլ վերամշակված սննդամթերքները: Բացի այդ մասնագետները խորհուրդ են տալիս սննդակարգից հանել խանութից գնված սոուսները, որոնք նույնպես մեծ քանակությամբ ճարպ, աղ եւ շաքար են պարունակում:

Այս թեմայով «Հրապարակ». Սիսիանում՝ Շաքիի դեպքերից հետո մեծ վախ է տիրում ԱՄՆ–ում բենզինի գները փոխում են մեծ խաղի կանոնները «Կիևի ուրվականը» կործանիչը ոչնչացվել է ռուսական բանակի վրա հարձակվելու փորձի ժամանակ Ադրբեջանցին Շաքիում երեք երեխաների ներկայությամբ է կրակել կնոջ վրա Բութ նոպայաձեւ ցավ, այտուց. Թաքնված ախտանիշներ լի անդառնալի հետեւանքներով