Եվս 1000 աշխատատեղի կրճատում եւ շուրջ 300 անշարժ գույքի վարձակալության պայմանագրի լուծարում (Տեսանյութ)

ՀՀ ԱԺ տնտեսական հարցերի մշտական հանձնաժողովում երեկ կազմակերպվել էր  աշխատանքային քննարկում ԱԺ իշխող «Իմ քայլը» խմբակցության պատգամավորներ Ալեն Սիմոնյանի, Սիփան Փաշինյանի եւ Նաիրա Զոհրաբյանի հեղինակած «Վիճակախաղերի մասին» եւ «Շահումով խաղերի, ինտերնետ շահումով խաղերի եւ խաղատների մասին» ՀՀ օրենքներում փոփոխություններ կատարելու մասին օրենքների նախագծերի վերաբերյալ: Քննարկման ժամանակ օրենսդրական փաթեթի վերաբերյալ իրենց տեսակետները ներկայացրին վիճակախաղեր կազամակերպող ընկերությունների եւ ՏՄՊՊ հանձնաժողովի ներկայացուցիչները:

Հիշեցնենք, որ նախագծերով սահմանվում է, որ անմիջականորեն (խաղասրահի միջոցով) տոտալիզատոր եւ ավտոմատացված` սարքավորումների միջոցով վիճակախաղ կարող է կազմակերպվել միայն Կոտայքի մարզի Ծաղկաձոր, Գեղարքունիքի մարզի Սեւան, Վայոց Ձորի մարզի Ջերմուկ, Սյունիքի մարզի Մեղրի համայնքների վարչական սահմաններում: Ներկայումս վիճակախաղեր կազմակերպվում են երկրի ողջ տարածքում: Օրենսդրությամբ սահմանվում է նաեւ այն կառուցակարգը, որը հնարավորություն է ընձեռելու օրինական կարգով սահմանափակել մոլեխաղերով հրապուրվելու հետեւանքով իրեն եւ իր ընտանիքին նյութական ծանր վիճակի հասցրած անձի` հետագայում նման գործողություններ կատարելու հնարավորությունը: Իսկ վիճակախաղեր կազամակերպող ընկերությունների ներկայացուցիչները միաբերան պնդում են, որ այս ամենը կհանգեցնի մի իրավիճակի, երբ կստեղծվեն ընդհատակում գործող խաղասրահներ: Եվ ընդհանրապես` այս օրինագիծը կյանքի կոչվելու դեպքում` կրճատվում է մոտ հազար աշխատատեղ, եւ շուրջ երեք հարյուր անշարժ գույքի վարձակալության պայմանագիր լուծարվում է: Սակայն ԱԺ «Իմ քայլը» խմբակցության պատգամավոր, երկրի առաջին ախպոր տղա ՍԻՓԱՆ ՓԱՇԻՆՅԱՆԸ նրանց եւ պատգամավորներին պատմեց հուզառատ պատմություններ, թե իր ծանոթներից քանիսն են ղումարբազության պատճառով տուն-տեղ կորցրել եւ մնացել պարտքերի տակ:

ՀՐԱՆՏ ՍԱՐԱՖՅԱՆ

Այս թեմայով Վարոս Սիմոնյանը՝ կոնտրաֆակտերի գորշ համակարգո՞ղ Մանդատները՝ գրպանում, պայքարը՝ թղթի վրա Դատվում են նաև կառավարող թիմից, մերոնք և ձերոնք չկա կոռուպցիայով զբաղվելու հարցում. Փաշինյան Մենք չգիտենք, թե ում ոտքերի տակ է նա ընկել. Զախարովան հակադարձել է Ալեն Սիմոնյանին՝ հիշեցնելով 2020թ. նոյեմբերի 9-ի հայտարարությունը և Պրահան Հայաստանի կառավարությունը երբեք չի մտնի մի պրոցեսի մեջ, որը դեմ է Իրանին կամ մյուս հարևան երկրներին. Սիմոնյան