ՀՀ-ում հրեական համայնքի ղեկավարը ձեռնպահ մնաց Երուսաղեմի քրիստոնեական համայնքի ներկայացուցիչների հանդեպ բռնություններին գնահատական տալ

Հրեաների կողմից Երուսաղեմի քրիստոնեական համայնքի ներկայացուցիչների հանդեպ հաճախակի դարձած սադրանքները շարունակում են մնալ ամենամտահոգիչ թեմաներից մեկը: Հատկաես, որ տեղացիները սպասելով դատական գործընթացի ավարտին՝ սկսել են հյուրանոցային համալիրի կառուցման աշխատանքներ վիճելի տարածքում, որը բախումների է բերել տեղի հայերի ու հերա ծայրահեղականների միջև։ Ինչպես է վրաբերում վերը նշվածին Հայաստանում հրեական համայնքի ղեկավար Ռիմա Վարժապետյան-Ֆելլերը, ով բավականին սուր քննադատության էր ենթարկել Երևանում գտնվող հրեական միակ սինագոգի նկատմամբ ոտնձգությանը:

Եվ ահա տիկին Վարժապետյանը բավական սուր ընդունեց մեր հարցը նախ ընդգծելով.

-Գիտեք, այդ հարցի տակ շատ քողարկված խնդիրներ կան, որոնց ինքս չեմ տիրապետում եւ չեմ ցանկանում գնահատական, մեկնաբանություն տալ: Իհարկե երեւույթը շատ վատն է, ինչի դեմ պետք է պայքարել, բայց դա իմ հարցը չէ:

-Ինչպե՞ս է ստացվում, որ Երևանում գտնվող հրեական միակ սինագոգը այրելու փորձը մեծ արձագանք գտավ նույն հրեական համայնքի կողմից, բայց այնտեղի հայերի նկատմամբ նման իրադարձություններին գնահատական չեք ցանկանում տալ:

-Ես չեմ ցանկանում նման ագրեսիվ հարցի պատասխաննել: Ի՞նչ է ուզում եք ասել, որ այն ինչ կատարվում է Երուսաղեմի հայերի հետ, նույնը` այստեղ հրեական համայնքի հե՞տ պետք է արվի:

-Բացարձակ, ընդհակառակը, պարզապես Ձեր գնահատականն ենք ուզում իմանալ, ինչպես է ստացվում, որ մի դեպքում դատապարտում եք, իսկ մյուս դեպքում` ձեռնահ մնում ըստ էության:

-Մենք որեւէ ձեւով պարտավոր չենք պատասխան տալ իրենց գործողություների համար, մենք այստեղ ապրում ենք բարեկամական ու ջերմ մթնոլորտում: Իսկ Իսրայելում կատարվող հարցերը ուղղեք դեսանին, ոչ թե մեզ: 

-Բայց մենք Ձեր գնահատականն ենք խնդրում այդ դեպքում:

-Ես պատասխանատու եմ ՀՀ-ում մեր հրեա համայնքի գործողությունների մասին, իսկ այնտեղի հրեաների արարքների համար պատասխանատու են այնտեղ: