Եթե ունենում եք հավելյալ աշխատաժամեր, ապա իմացեք սա

Համաձայն ստացված տեղեկությունների, ամեն օր  ընդամենը 1 հավելյալ աշխատաժամը  բարձրացնում է կաթվածի առաջացման հավանականությունը 10%-ով, իսկ  մարդիկ, ովքեր աշխատում են ամեն օր  հավելյալ 3  ժամ կամ շաբաթական 55 ժամ, ունեն  կաթվածից մահանալու 33%-ով  ավելի բարձր հավանականություն:

Մասնագետները նման եզրակացության են եկել   ուսումնասիրելով ԱՄՆ-ի, Ավստրալիայի ու Եվրոպայի   տարածքում շուրջ 500000   մարդու  առողջության վերաբերյալ գրառումների վերլուծություններ:

Մասնագետները ուսումնասիրել են  նաև նախորդ 17  տարիների ընթացքում  կատարված ուսումնասիրությունների ու միջինում գրեթե 7 տարի հետազոտությանը մասնակցած  529000 մարդկանց տվյալներ:

Գիտնականները պարզել են, որ այն մարդկանց մոտ, ովքեր   շաբաթական աշխատել  են 41-ից մինչև 48 ժամ,  կաթվածից տուժելու  հավանականությունը 10%-ով ավելի մեծ  է եղել, քան այն մարդկանց մոտ , ովքեր  շաբաթական աշխատել են 35-40 ժամ:

Այն մարդիկ, ովքեր  շաբաթական աշխատել են 49-ից 54 ժամ, կաթվածի առաջացման հավանականությունը բարձրացել է մինչև  27%, իսկ նրանց մոտ, ովքեր աշխատել են շաբաթական 55 ու ավելի ժամ՝ 33%: Այն մարդիկ, ովքեր աշխատել են շաբաթական 55 ու ավել ժամ, ունեցել են նաև սրտանոթային համակարգի հիվանդությունների զարգացման 13% ավել ռիսկ:

Մասնագետները նշում են, որ աշխատավայրում շատ ուժեղ գերհոգնածությունը հաճախակի հանդիսանում է կաթվածի պատճառ ու սթրեսի ռեակցիայի կրկնման արդյունք:

Վարքագծային մեխանիզմները, ինչպես օրինակ ֆիզիկական ակտիվության բացակայությունը, ևս կարող է բացատրել երկարատև աշխատանքային օրվա և կաթվածի միջև առկա կապը: Կաթվածի առաջացման բարձր ռիսկ նկատվում է այն մարդկանց մոտ, ովքեր երկար ժամանակ  են նստում աշխատավայրում:

Աղբյուրը՝ gogetnews.info