Երջանկության ճանապարհի մի քանի ճապոնական սկզբունք

Իչիգո իչիե սկզբունքին հետևելը թույլ է տալիս ձեզ վարել ավելի երջանիկ և իրական կյանք` առանց անցյալի ծանրաբեռնվածության կամ ապագայի մասին անհանգստանալու: Դուք սովորում եք ապրել ներկայով՝ ճանաչելով և գնահատելով ձեր յուրաքանչյուր պահի պարգևը:

Այսպիսով, մի քանի կանոն, որոնք նկարագրում են ճապոնական այս փիլիսոփայությունը.

1. Մի հետաձգեք հատուկ պահերը

Յուրաքանչյուր հնարավորություն հայտնվում է միայն մեկ անգամ: Չօգտվելով դրանից՝ այն կկորցնեք հավերժ: Դուք ապրում եք կամ հիմա, կամ երբեք:

2. Ապրեք այնպես, կարծես դա կարող է պատահել ձեզ հետ միայն մեկ անգամ

Ահա թե ինչու է իչիգո իչիեի սկզբունքը մեզ այդքան ոգեշնչում ողջունել և հրաժեշտ տալ մեր սիրելիներին՝ մատնանշելով յուրաքանչյուր հանդիպման եզակիությունն ու յուրահատկությունը:

3. Ապրեք ներկայով

Անցյալով և ապագայով ճանապարհորդելը հաճախ շատ ցավոտ է և գրեթե միշտ անօգուտ: Դուք չեք կարող փոխել այն, ինչ տեղի է ունեցել: Դուք նախապես չեք կարող իմանալ, թե ինչ է լինելու: Բայց այստեղ և հիմա ձեր առջև բաց են այս աշխարհի բոլոր հնարավորությունները:

4. Արեք մի բան, որը դեռ չեք արել

Ինչպես ասել է Էյնշտեյնը, չի կարելի անընդհատ նույն բանն անել և դրանից տարբեր արդյունքներ ակնկալել: Անմոռանալի պահը զգալու մեկ այլ եղանակ կա` հանձնվել և թույլ տալ, որ նոր բան զարգանա ձեր մեջ: