Քանի՞ մանդարին կարելի է ուտել առանց առողջությանը վնասելու

Հասարակություն 19 Դեկտեմբեր, 2024 19:12

Մանդարինները ձմռան և Ամանորի խորհրդանիշներից են։ Որքան մոտենում են տոները, այնքան մարդիկ ավելի շատ են սկսում ցիտրուսային մրգեր գնել։ Այս մրգերը կարող են վտանգավոր լինել, եթե չափը չպահվի: Այս մասին «Страсти» պորտալին ասել է առաջատար փորձագետ, Ռոսպոտրեբնադզորի կենտրոնական համաճարակաբանության գիտահետազոտական ինստիտուտի մոլեկուլային ախտորոշման CMD կենտրոնի բժշկական հաստատությունների գիտական և տեղեկատվական աջակցության խմբի ղեկավար Միխայիլ Լեբեդևը։

Ըստ փորձագետի՝ ցիտրուսային մրգերից թունավորվել հնարավոր չէ՝ դրանք, ի վերջո, թունավոր չեն։ Բայց ավելորդ սպառման հետեւանքները կարող են շատ տարբեր լինել։ Դա ատամի էմալի քայքայումն է, կարիեսի զարգացումը, լնդերի բորբոքումն ու աղեստամոքսային տրակտի բորբոքային հիվանդությունները։

Ցիտրուսային մրգերն ազդում են բազմաթիվ դեղամիջոցների (ստատիններ, բետա-բլոկլերներ, հոգեմետ դեղեր, որոշ ցավազրկողներ) նյութափոխանակության վրա: Նրանք կարող են նվազեցնել որոշ ֆերմենտների արտադրությունը, որոնք գործում են լյարդում և բարակ աղիքներում, ինչը կարող է հանգեցնել դեղամիջոցների ակտիվության պահպանմանը՝ նախատեսվածից ավելի երկար: Սա կարող է դեղամիջոցի գերդոզավորման հանգեցնել։ Այս երևույթը հատկապես արտահայտված է գրեյպֆրուտի դեպքում և նույնիսկ կոչվում է «գրեյպֆրուտի հյութի էֆեկտ»։

Ցանկալի չէ մանդարինները համատեղել օսլա պարունակող մթերքների (կարտոֆիլ, բրինձ, հացաբուլկեղեն, բանան, կանաչ ոլոռ), քաղցր մրգերի (խուրմա, արքայախնձոր) և բարձր սպիտակուցներով կենդանական մթերքների (տավարի միս) հետ: Նման համակցված օգտագործման հետևանքը կարող են լինել մարսողական խանգարումները՝ ծանր դիսպեպտիկ խանգարումներով։

Մանդարիններն ու նարինջը պարունակում են բավականին մեծ քանակությամբ շաքար, ինչը պետք է հաշվի առնեն շաքարային դիաբետով հիվանդները։ Դիտարկումներ կան հիպերտոնիկ հիվանդների մոտ արյան ճնշման բարձրացման դեպքերի վերաբերյալ ՝ ցիտրուսային մրգերի չափից ավելի սպառման դեպքում: Բացի այդ, բոլոր ցիտրուսային մրգերն ուժեղ ալերգեններ են, ուստի ալերգիայով տառապողները չպետք է դրանք մեծ քանակությամբ օգտագործեն:

Ցիտրուսային մրգերի ավելորդ սպառման տարբեր անցանկալի կողմնակի ազդեցություններից խուսափելու համար խորհուրդ է տրվում օգտագործել շաբաթական ոչ ավելի, քան 5-8 նարինջ կամ 7-10 մանդարին, այսինքն՝ օրական 1-2 հատ։