ԽԱՂԱՂ ԾԱՌԱՅՈՒԹՅՈՒՆ ՄԵՐ ԲՈԼՈՐ ՆՈՐԱԿՈՉԻԿՆԵՐԻՆ

Հանրապետությունում շարունակվում է ձմեռային զորակոչը։ Iravunk. com -ի Շիրակի մարզի թղթակիցը Արթիկում էր ։Մարդաշատ էր քաղաքի զինկոմիսարիատի բակը։ Պարտադիր զինվորական ծառայության մեկնող նորակոչիկներին Հայոց բանակ էին ճանապարհում Արթիկ համայնքի ղեկավար Անան Ոսկանյանը, Արթիկի թեմի առաջնորդ, Գերաշնորհ Նարեկ Եպիսկոպոս Ավագյանը, զինվորականներ, նորակոչիկների ծնողներ, հարազատներ, ընկերներ։Համայնքի ղեկավարը բարի երթ, խաղաղ, անվտանգ ու անփորձանք ծառայություն մաղթեց Հայոց բանակի շարքերը համալրող երիտասարդներին, նա ցանկացավ, որ տղաների ծառայությունը անցնի առանց փորձությունների, ողջ ֊առողջ վերադառնան իրենց օջախներ։ Արթիկ համայնքի Սարալանջ գյուղից բանակ էր զորակոչվում ԳՐԻԳՈՐ ԿԱԿՈՅԱՆԸ, նա Iravunk. com -ի հետ զրույցում նշեց, որ բանակ է մեկնում բարձր տրամադրությամբ, որպեսզի երկու տարի անց նույն բարձր տրամադրությամբ էլ վերադառնա հայրենի տուն։ Իսկ Փանիկ գյուղից Հայոց բանակի շարքերը համալրելու էին մեկնում ԱՐՄԱՆ ՍԵԽԼԵՅԱՆԸ, ՀԱԿՈԲ ԱՐԵՎԻԿՅԱՆԸ, ԱՂՎԱՆ ՄԱՆԱՍՅԱՆԸ, ՅՈՒՐԱ ՂԱԼԹԱԽՉՅԱՆԸ և ԷԴԳԱՐ ԽՉՈՅԱՆԸ։ Նրանք էլ նշեցին, որ մեկնում են Հայոց բանակ, պաշտպանելու իրենց ծնողներին, հարազատներին, մեր հայրենիքը։ Բանակում ծառայությունը ավարտելուց հետո կգան ու կսովորեն բուհերում։ Նորակոչիկների ծնողների, հարազատների սրտերում միախառնվել էին հուզմունքն ու հպարտության զգացողությունները։ Բոլորի ցանկությունը մեկն է, խաղաղ ծառայություն ու բարի վերադարձ բոլոր նորակոչիկներին։ Ծնողները այս հուզիչ արտահայտություններով բանակ ճանապարհեցին իրենց որդիներին. «Ցավդ տանեմ», «Մեռնիմ կյանքիդ»։Խաղաղ ծառայություն մեր բոլոր նորակոչիկներին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ