«ՅՈՒՐԱՔԱՆՉՅՈՒՐ ՀԱՅԻ ՊԱՐՏՔՆ Է ԻՐ ՀԱՅՐԵՆԻՔԻՆ ԾԱՌԱՅԵԼԸ». ԻԳԱԿԱՆ ՍԵՌԻ ՆՈՐԱԿՈՉԻԿ ՄԵՐԻ ՄԱՐՏԻՐՈՍՅԱՆ

Հանրապետությունում շարունակվում է ձմեռային զորակոչը։

Iravunk. com -ի Շիրակի մարզի թղթակիցը Արթիկի զինկոմիսարիատի բակում էր, այստեղ կրկին մարդաշատ էր։ Արթիկ համայնքից նորակոչիկների նոր խումբն էր մեկնում Հայոց բանակ ծառայության։ Նորակոչիկներին ճանապարհելու արարողությանը ներկա էին Արթիկ համայնքի ղեկավարի տեղակալ Վարդան Մակեյանը, ուժային կառույցների ղեկավարներ, նորակոչիկների ծնողներ, հարազատներ, ընկերներ։ Տերունական աղոթքից և քահանայից օրհնություն ստանալուց հետո, Վարդան Մակեյանը նորակոչիկներին մաղթեց ամուր կամք, փորձություններին դիմակայելու կարողություններ, իսկ ծնողներին համբերություն և տոկունություն։ Առաջին անգամ, մենք նկատեցինք նաև աղջիկ նորակոչիկի ՄԵՐԻ ՄԱՐՏԻՐՈՍՅԱՆԻՆ, նա բավականին համարձակ է, բազմաթիվ տղաների հետ, լինելով միակ իգական սեռի ներկայացուցիչը մեկնում էր ծառայության։

ՄԵՐԻՆ, Iravunk. com -ի Շիրակի մարզի թղթակցի հետ զրույցում նշեց.

- «Իհարկե, սկզբում շատ բարդ էր, շատ դժվար, աղջիկ եմ, ծնողներս բնական է, դեմ էին, դժվար թե միանգամից համաձայնվեին, հետագայում, տեսնելով իմ պայքարը, հաստատակամությունը, համաձայնվեցին իմ այս որոշման հետ։ Ծառայելու եմ 6 ամիս, հետո էլ կգնամ սովորելու արդեն «Վազգեն Սարգսյանի» անվան ռազմական ինստիտուտում, այդպես ընտրում եմ զինվորականի ուղին։ Տեսնելով Հայկական բանակը, որոշեցի ես էլ գնալ ու ծառայել։ Հայրենիքի հանդեպ մեծ սերը ինձ բերեց այստեղ։ Իմ կարծիքով, յուրաքանչյուր հայի պարտքն է իր հայրենիքին ծառայելը։ Ամենադժվարը մայրիկիս համար էր, նրան հաջողություն մաղթելը, շատ դժվար էր, հուսով եմ, որ ամեն ինչ լավ է լինելու, մեր երկրի էլ խաղաղություն»։

ԲԱՐԻ ԾԱՌԱՅՈՒԹՅՈՒՆ, ԲԱՐԻ ՎԵՐԱԴԱՐՁ ՄԵՐ ԲՈԼՈՐ ՆՈՐԱԿՈՉԻԿՆԵՐԻՆ։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ