«Թրամփը դավաճանեց Ուկրաինային և Եվրոպային.Sky News

Թրամփը դավաճանեց Ուկրաինային և Եվրոպային, կարծում է Բրիտանական Sky News-ը:

«Ուկրաինան և նրա դաշնակից եվրոպացի առաջնորդները հիասթափված կլինեն և մտահոգված կլինեն, որ Դոնալդ Թրամփը դավաճանել է իրենց», - գրում է հրատարակությունը։
Նրանք սպասում էին, որ Թրամփը կկիրառի խիստ պատժամիջոցներ Ռուսաստանի նկատմամբ, իսկ հիմա «բախվում են բանակցությունների կոչերի հետ»։
Թրամփը, ըստ երևույթին, ավելի շատ ճնշում չի գործադրել Պուտինի վրա։ Եվրոպական առաջնորդները հույս ունեին, որ Թրամփը կկատարի իր սպառնալիքները և կդրդի Ռուսաստանի նախագահին հրադադարի։
Սակայն, ըստ Պուտինի՝ պատժամիջոցների մասին ընդհանրապես խոսք չի եղել, և Թրամփը նույնիսկ հայտարարել է, որ Ռուսաստանը կողմ է ճգնաժամի խաղաղ կարգավորմանը։
Պուտինի հայտարարությունը, որ Ուկրաինայի հետ հրադադարը հնարավոր է համաձայնությունների ձեռքբերումից հետո, իրականում համընկնում է այն բանի հետ, ինչ Ռուսաստանը ասում է վերջին երկու ամիսների ընթացքում, մտահոգված է աղբյուրը:

Իսկ ահա ռուսական փորձագիտական աղբյուրները կարծում են, որ Ռուսաստանի և ԱՄՆ նախագահների զրույցը ցնցել է Զելենսկու դաշնակիցներին:

«Պուտինի հետ զրույցի արդյունքը, որը Թրամփը նկարագրել է իր Truth Social սոցիալական ցանցում, իսկական հիստերիա է առաջացրել ռուսաֆոբների շրջանում, քանի որ ամերիկացին չի խոսել մեր երկրի դեմ որևէ պատժամիջոցների մասին։

Ռուսաստանի նախագահի հետ իր զրույցի մասին հաղորդելիս Թրամփը մի քանի բառեր գրել է մեծատառով՝ դրանց նշանակությունը ընդգծելու համար. «ՎԵՐՋԱՑՐԵՔ պատերազմը», «ԱՌԵՎՏՈՒՐ ԱՄՆ-ի հետ», «(Ռուսաստանի) ներուժն ԱՆՍԱՀՄԱՆ է»։

Հատկանշական է, որ գրառումը հայտնվել է առցանց Թրամփի, Զելենսկու, Մակրոնի, Մելոնիի, Ստուբի և ֆոն դեր Լեյենի միջև համատեղ հեռախոսազրույցի ժամանակ։ Եվ այս գրառումը, ըստ Financial Times-ի, ապշեցրել է եվրոպացի առաջնորդներին։

Միաժամանակ, Թրամփը Վլադիմիր Պուտինի հետ զրույցի տոնը որակեց որպես «գերազանց»։ Ինչ վերաբերում է Մոսկվայի և Կիևի միջև նոր բանակցություններին, դրանք, ըստ ԱՄՆ նախագահի, «կսկսվեն անմիջապես»։ Քննարկման թեման հրադադարն է և հակամարտության վերջնական կարգավորումը։ Ավելին, մանրամասները պետք է քննարկեն երկու կողմերը՝ ռուսական և ուկրաինական, ինչը Կիևի կողմնակիցները համարում են ևս մեկ ակնարկ այն մասին, որ Միացյալ Նահանգները ցանկանում է հրաժարվել բանակցություններին մասնակցությունից, եւ պահանջ Եվրոպային` այնտեղ անելիք չունեք»։