Դիմակներն առողջ մարդկանց չեն պաշտպանում վարակից. ԱՀԿ

Առողջ մարդկանցից չի պահանջվում դիմակ կրել, դիմակը չի կարող կորոնավիրուսից պաշտպանվելու երաշխիք հանդիսանալ: Այս մասին «ՌԻԱ Նովոստի»-ի հետ զրույցում ասել է Առողջապահության համաշխարհային կազմակերպության ներկայացուցիչ Տարիկ Յազարեվիչը` մեկնաբանելով դիմակների մեծ տարածումն ու պահանջարկը:

«Մեր դիրքորոշումը չի փոխվել: Առողջ մարդկանցից չի պահանջվում դիմակ կրել: Այն մարդիկ, որոնք ախտանշաններ ունեն, պետք է դիմակ կրեն այլ մարդկանց պաշտպանելու համար: Դիմակ պետք է կրեն նաև այն մարդիկ, ովքեր խնամում են հիվանդներին, օրինակ՝ տանը, քանի որ նրանք կարող են վարակվել: Դիմակը չի կարող վարակից պաշտպանվելու երաշխիք հանդիսանալ, այն պետք է կիրառվի մյուս քայլերին զուգահեռ: Խնդիրը նրանում է, որ դիմակ կրելով՝ մարդիկ կարող են սխալմամբ իրենց անվտանգ զգալ և սկսել մոռանալ այլ քայլերի, օրինակ` ձեռքերը լվանալու մասին: Բացի այդ, եթե դուք չգիտեք, թե ինչպես պետք է ճիշտ կրել դիմակը, դուք սովորականից ավելի հաճախ կդիպչեք ձեր դեմքին»,-ասել է Յազարեվիչը:

Նա նշել է նաև, որ պաշտպանիչ միջոցներ, այդ թվում դիմակներ, ձեռնոցներ ու պաշտպանիչ ակնոցներ առաջին հերթին պիտի ունենան բժիշկներն ու բուժաշխատողները, և դրան կարելի է հասնել միայն այդ միջոցների գնումը սովորական քաղաքացիների կողմից սահմանափակելու միջոցով:

Առողջապահության համաշխարհային կազմակերպությունը մարտի 11-ին նոր կորոնավիրուսը համավարակ էր հայտարարել: Վերջին տվյալներով՝ աշխարհում գրանցվել է վարակման  1 016 258 դեպք, 53 235-ը՝ մահվան ելքով, ապաքինվել է 213 081 մարդ։ Համաճարակի օջախ Չինաստանի սահմաններից դուրս վարակը տարածվել է 203 երկրում:

Այս թեմայով Երգ ու պարով ավագանու ընտրությունների եք գնում, ամոթ չե՞ք անում, ցնդե՞լ եք լրիվ. Մարինա Խաչատրյան Ինչ անունով սեռական դաստիարակությունը սողոսկեց հանրակրթական դպրոց. ծնողները մտահոգված են, ԿԳՄՍ-ն՝ գոհ Դու դեռ կորած մարդ չես. Մարինա Խաչատրյանը դիմել է Աշոտ Փաշինյանին Մարդը պառլամենտի ամբիոնից հեգնում է բանակին, ԱԱԾ մարդկանց է շպիոններ անվանում, իսկ նրանք իրեն են պաշտպանում. Միքայել արքեպիսկոպոս Աջապահյան Դեպրեսիան պաշտպանում է մեր օրգանիզմը վարակներից