Գերբեռնված փոխադրման դեպքերը բացառելու նպատակով ՔՏՀԱՏՄ-ն եռապատկել է վերահսկողական աշխատանքների ծավալները

Այսօր՝ օգոստոսի 27-ին, ՀՀ քաղաքաշինության, տեխնիկական և հրդեհային անվտանգության տեսչական մարմնի մասնագետները ՀՀ ՃՈ ծառայողների հետ համատեղ շրջիկ խմբերով և կանգառի կետերում շարունակել են ուժեղացված վերահսկողություն իրականացնել Երևանի տարբեր վարչական շրջաններում։ Հատկապես վերջին մի քանի օրերին՝ ուղևորահոսքի թվաքանակով պայմանավորված, վերահսկողության թիրախում է գտնվում Կենտրոն վարչական շրջան մուտք գործող և դուրս եկող հանրային տրանսպորտի անվտանգ գործունեության ապահովման գործընթացը: Այս մասին տեղեկացնում է ՀՀ Կառավարությունը։

Այսօրվա դիտարկման արդյունքում Տեսչական մարմնի մասնագետների կողմից տաքսի ավտոմեքենաներով փոխադրման համակարգում խախտումներ չեն հայտնաբերվել։ Կանոնավոր ուղևորափոխադրման համակարգում կրկին հայտնաբերվել են գերբեռնված ուղևորափոխադրում իրականացնող տրանսպորտային միջոցներ։

Տեսչական մարմնի մասնագետները մշտադիտարկումների և վերահսկողության հետ համատեղ իրականացրել են ամենօրյա կանխարգելիչ բացատրական և իրազեկման աշխատանքներ, տեղում արձանագրված թերությունների մասով տվել շտկման ցուցումներ։

Նշենք, որ գերբեռնվածության խնդիրը կարգավորելու և կորոնավիրուսի տարածումը կանխարգելելու նպատակով ՔՏՀԱ տեսչական մարմնի տրանսպորտի անվտանգության վարչության կողմից եռապատկվել է վերահսկողական աշխատանքների ծավալները, որի արդյունքում արդեն ձևավորված մեկ տասնյակից ավելի մասնագիտական կարգախմբերը ողջ օրվա ընթացքում վերահսկողություն են իրականացնում մայրաքաղաքի բոլոր վարչական շրջաններում։

Այս թեմայով Երկու անձ ձերբակալվել է ժամկետային զինծառայությունից ազատելու նպատակով կաշառք վերցնելու համար «Փաստ». Իշխանությունը պատրաստվում է սեպտեմբերին Ստամբուլյան կոնվենցիան տանել խորհրդարան՝ այն վերջապես վավերացնելու նպատակով «Ժողովուրդ». Պարետատունը մանրամասն հաշվետվություն է ուզել Արսեն Թորոսյանից, թե ինչպես են ծախսվել կորոնավիրուսի կանխարգելման նպատակով հավաքված գումարները Մելանյա Թրամփը ներկայացրել է Սպիտակ տան Վարդերի պարտեզի՝ գրեթե 60 տարվա ընթացքում առաջին բարեկարգման աշխատանքների արդյունքները Երևանի Մալաթիա Սեբաստիա և Շենգավիթ վարչական շրջանների կանոնավոր երթուղիներում հայտնաբերվել են գերբեռնված տրանսպորտային միջոցներ