Հայաստանի հավաքականը պատրաստվում է հաղթանակ տանել Սանկտ Պետերբուրգում
ՍպորտՄարտի 1-3-ը Սանկտ Պետերբուրգում անց է կացվելու Ռեստորանային սպորտի Սանկտ Պետերբուրգի բաց առաջնություն: Այդ մասին «Իրավունքը» տեղեկացավ Հայաստանի Ռեստորանային սպորտի ֆեդերացիայից: Այս մրցումներին մասնակցելու է նաեւ Հայաստանի թիմը` շեֆ խոհարար, սոմելյե (բարմեն) եւ մատուցող կազմով: Այս տարի Հայաստանը ներկայացնելու է շեֆ խոհարար Սպարտակ Նազարյանը:
Սպարտակ Նազարյանը մեծ աշխատանքային փորձ ունի ոչ միայն Հայաստանում այլեւ` Ռուսաստանում եւ Ֆրանսիայում, ինչպես նաեւ մասնակցել է բազմաթիվ միջազգային մրցումների: 2023 թվականին Մոսկվայում անցկացրած «Ռուսական խոհանոց» 5-րդ միջազգային փառատոնում ստացել է առաջին տեղը «Լավագույն հեղինակային խորտիկ» նոմինացիային: Ունի նաեւ մի շարք այլ մրցումների դիպլոմներ:
Ինչպես մեզ տեղեկացրեցին Ռեստորանայաին սպորտի հայկական ֆեդերացիայից, Հայաստանի հավաքականը առաջին անգամ չէ, որ մասնակցելու է Սանկտ Պետերբուրգի բաց առաջնությանը: 2019 թվականին մենք վերցրել ենք 2-րդ տեղը, իսկ 2022 թվականին ` 3-րդ տեղը այդ մրցումներում, իսկ այս տարի ունենք բոլոր հիմքերը ակնկալելու, որ կվերցնենք 1-ին տեղը:
Սեփ. լրատվություն