«Փաստ». Ինչի՞ արդյունքում է ազատ արձակվել «Սիներջիի» տնօրենը
Մամուլի տեսություն
«Փաստ» օրաթերթը գրում է. «Նախօրեին պարզ դարձավ, որ դատախազը «սեփական նախաձեռնությամբ փոխել է Քննչական կոմիտեում քննվող քրեական վարույթով անցնող մեղադրյալ՝ «Սիներջի» ընկերության հիմնադիր-տնօրեն Աշոտ Հովհաննիսյանի նկատմամբ կիրառված խափանման միջոց կալանքը»: «Փաստ» թերթի տեղեկություններով, իրականում Հովհաննիսյանն ազատ է արձակվել Հայաստանում ԱՄՆ դեսպանատան ճնշումների արդյունքում:
Ի մասնավորի, մեր աղբյուրի փոխանցմամբ, այս հարցը առանցքայիններից մեկն է եղել նաև Նիկոլ Փաշինյանի և Հայաստանում ԱՄՆ արտակարգ և լիազոր դեսպան Քրիստինա Քվինի՝ փետրվարի 6-ին կայացած հանդիպման ժամանակ, թեպետ, բնականաբար, այդ մասին պաշտոնական հաղորդագրության մեջ ոչինչ նշված չէ: Ավելին, մեր աղբյուրները պնդում են, որ չնայած դատարանի՝ որևէ տեսակցության արգելքին, ԱՄՆ դեսպանին թույլատրվել է այցելել ՔԿՀ ու անձամբ հանդիպել «Սիներջի» ընկերության հիմնադիր-տնօրեն Աշոտ Հովհաննիսյանին:
Հատկանշական է, որ ժողովրդավարական համարվող երկրի դեսպանը Հայաստանում տասնյակ քաղբանտարկյալների հարցում որևէ կարծիք չի հայտնել, իսկ ահա «Սիներջիի» տնօրենի հարցով շահագրգռություն է ցուցաբերել: Դե, երևի, «ժողովրդավարությունը՝ առանձին, երկրի բիզնես հետաքրքրությունները՝ առանձին» սկզբունքն է գործում»:
Առավել մանրամասն թերթի այսօրվա համարում
1
509 դիտում
2
501 դիտում
3
486 դիտում
4
443 դիտում
5
424 դիտում
1
2583 դիտում
2
2428 դիտում
3
1850 դիտում
4
1345 դիտում
5
1239 դիտում
1
3021 դիտում
5
1735 դիտում
