Ինչ էր դատական նիստի ընթացքում կարդում Նարեկ Մալյանը

Ապագայում հարուստները կկարողանան առանձնացնել իրենց ուղեղը ծերացող մարմնից եւ գրեթե հավերժ կապրեն հատուկ «տարայի» հարթության մեջ: Այնտեղ, որտեղ ամեն ինչ հնարավոր կլինի, կհայտնվեն առաջնորդներ, համաշխարհային օլիգարխներ, աշխարհակարգի ճարտարապետներ։ Բայց ոչ բոլորին թույլ կտան մտնել «տարա»: Երկրի վրա կմնա կանաչ հետածխածնային քաղաքակրթություն, որը կկրճատվի մինչեւ սպասարկող անձնակազմի եւ բիոռոբոտ ծառայողների աստիճանի: Ո՞վ եւ ինչպե՞ս է պայքարելու իշխանության համար հաղթական մատրիարխիայի արխայիկ-ֆուտուրիստական ​​աշխարհում: Ինչի՞ են ձգտելու չիպացված մարդիկ. Ինչպիսի՞ն կլինեն միջսերունդների խնդիրները, երբ այլեւս չբավականացնեն տառերը սերունդների համար: Եվ, ամենակարեւորը՝ ինչպիսի՞ն կլինի սերը։ Մեր հասարակության բարոյական վերածննդի հետ կապված գրքում հայհոյանքներ չկան, բայց հեղինակին, այնուամենայնիվ, հաջողվում է ճշմարտությունն ասել ամենակարեւորի մասին:

Այս մասին է դեռեւս 2021 թվականին լույս տեսած «Transhumanism Inc» վերնագրող ռուս ժամանակակից գրող Վիկտոր Պելեւինի գիրքը, որը գրեթե ամբողջ դատական նիստի ընթացքում այսօր ընթերցում էր քաղբանտարկյալ, գրող, հրապարակախոս ՆԱՐԵԿ ՄԱԼՅԱՆԸ: Ի դեպ, Վիկտոր Պելեւինի այլ ստեղծագործությունները Ն. Մալյանի ուշադրության կենտրոնում են հայտնվել դեռեւս 2018 թվականից: Նա հաճախ է սոցցանցում մեջբերումներ արել Ռուսաստանի ամենաազդեցիկ ինտելեկտուալ կոչմանն արժանացած Վ. Պելեւինի գրքերից՝ սեփական թարգմանությամբ:

Իսկ ի՞նչ է նշանակում «տրանսհումանիզմ», ինչը նաեւ գրքի վերնագիրն է: Մերօրյա տրանսհումանիզմը դիտարկվում է որպես հումանիզմի գաղափարական շարունակությունը եւ կցորդը։ Իր ակունքներում ունենալով լուսավորական շարժումը, տրանսհումանիզմը կարեւորում է գիտությունը եւ քննադատական մտածողությունը` սոցիալական առաջընթացի խթանման գործում։ 18-րդ դարի գերմանացի մեծագույն փիլիսոփա եւ առաջընթացի ջատագով Իմանուիլ Կանտը հավատում էր, որ առաջընթացը եւ բանականությունը ի զորու են հաղթահարել մարդկության դեմ ծանրացած բոլոր խնդիրները, ինչպիսիք էին հալածանքները, տգիտությունը, ավելորդ աշխատանքը, կամ նույնիսկ մարդու մահը։ Մեզ մնում է միայն ավելացնել, որ, ըստ էության, ոչ միայն Կանտը, այլեւ Մալյանն է համոզված դրանում:

ՀՐԱՆՏ ՍԱՐԱՖՅԱՆ

Այս թեմայով Պատահակա՞ն է, որ ՆԱՏՕ-ի հետախուզական կառույցների ներկայացուցիչները Հայաստանում են. Հայկ Նահապետյան Կարծես գժանոցի утренний обход-ի сводка լինի. Ալլա Հակոբյան Մալյանը բանտում կմնա 5 ամիս 7 օր Ինչ ուզում եք, արեք, ես անջատել եմ իմ ինքնապահպանման բնազդը. Նարեկ Մալյան Ադրբեջանին հանձնենք 4 գյուղերը, թե՞ այսօրվա իշխանավորներին. առաջարկում եմ՝ հանրաքվեի դնել. Հայկ Բաբուխանյան