Երկարակյացների 3 սովորություն, որոնք կանխում են վաղ ծերացումը

Ծերացումը բնական գործընթաց է, որը հնարավոր չէ կանգնեցնել ոչ մի դեղահաբով։ Այնուամենայնիվ, հնարավոր է հետաձգել դրա սկզբը։ Փորձագետները սովորեցնում են, թե ինչպես դա անել:

Մարդիկ փորձում են վերականգնել երիտասարդությունը, գեղեցկությունն ու նախկին առողջությունը՝ հուսահատ դիմելով տարբեր մասնագետների։ Սակայն երկարակեցության գաղտնիքն իրականում պարզ է՝ ճիշտ ապրելակերպ և աշխատանք՝ ինքներդ ձեզ վրա:

Ի՞նչ սովորություններ պետք է մտցնել առօրյայում՝ ծերացումը կանխելու համար:

1. Միջերկրածովյան դիետա

Միջերկրական ծովի բնակիչների սննդակարգը համարվում է բուժիչ դիետա: Դրա շնորհիվ դուք կարող եք ոչ միայն ազատվել ավելորդ քաշից, այլեւ զգալիորեն բարելավել ձեր առողջությունը։ Սնուցման այս տեսակն առաջին անգամ հայտնի դարձավ 1950-ականներին, երբ ամերիկացի ֆիզիոլոգ Էնսել Քիզը և նրա թիմը ուսումնասիրեցին սննդակարգի ազդեցությունը մարդու առողջության վրա: Հետո նա բացահայտեց սննդակարգի և կյանքի տեւողության կապը։

Միջերկրածովյան դիետայի գլխավոր գաղտնիքը կանաչ բանջարեղենի, մրգերի և հացահատիկեղենի առատությունն է։

Այն լիովին բացառում է արդյունաբերական արտադրանքի սպառումը` քաղցրավենիք, հացաբուլկեղեն, կիսաֆաբրիկատներ: Միաժամանակ կրճատվում է կենդանական ծագման սննդամթերքի սպառումը' միս, ձուկ, ձու, կաթնամթերք։

Այս դիետան վաղուց ցույց է տվել իր արդյունավետությունը քրոնիկ հիվանդությունների կանխարգելման և ածխաջրերի նյութափոխանակության բարելավման գործում։ Այն նաև բարենպաստ ազդեցություն է ունենում սրտի աշխատանքի և արյան անոթների վիճակի վրա, ինչպես նաև օգնում է նվազեցնել արյան մեջ խոլեստերինի մակարդակը։

2. Առողջ քուն

Քունը ոչ պակաս կարևոր է առողջության համար։ Եվ դուք պետք է գտնեք ոսկե միջինը՝ քնել այնքան, որքան անհրաժեշտ է ձեր մարմնին: Եթե դուք բավարար չափով չեք քնում կամ, ընդհակառակը, շատ եք քնում, դա բացասաբար կանդրադառնա ձեր ուղեղի աշխատանքի վրա։

Ընդ որում, քնի ժամերի քանակն անհատական է և որոշվում է գենետիկորեն։ Հավանաբար նկատել եք, որ որոշ մարդկանց անհրաժեշտ է առնվազն ութ ժամ՝ առավոտյան թարմ զգալու համար, իսկ ոմանք բավարարվում են հինգ ժամով և ոչ մի անհարմարություն չեն զգում:

Յուրաքանչյուր մարդու համար նորմը հաշվարկվում է որոշակի թվով փուլային փոփոխություններից՝ արագ և դանդաղ քուն, որոնցից յուրաքանչյուրը տևում է 40-ից մինչև 60 րոպե: Բոլոր մարդկանց մոտ այս փուլերը տարբեր կերպ են փոխվում, ուստի որոշ մարդիկ քիչ են քնում, իսկ մյուսները կարող են ամբողջ օրը անցկացնել անկողնում՝ ուժերը վերականգնելու համար:

Օրվա ընթացքում մեր ուղեղում կուտակվում են բազմաթիվ տարբեր կենսաքիմիական նյութեր՝ դրանք մոլեկուլներ են, որոնք հիմնականում հորմոններ են, թթուներ և սպիտակուցներ: Երբ մարդը քնում է, մոտ մեկ ժամ հետո նրա ուղեղ է մտնում ողնուղեղային հեղուկը, որը բառացիորեն «լվանում» է նրան կուտակված նյութերից։ Եթե դուք ձեզ զրկում եք քնից, ապա այդ տարրերը, առաջացնելով նեյրոտոքսիկություն, հանգեցնում են տարբեր հիվանդությունների, օրինակ՝ Ալցհեյմերի և Պարկինսոնի։

Ուղեղի կայուն և արդյունավետ լվացման համար անհրաժեշտ է ճիշտ քնել:

• Աշխատեք ընթրել քնելուց ոչ ուշ, քան 4-5 ժամ առաջ։ Սա կնվազեցնի ձեր մարսողական օրգանների ծանրաբեռնվածությունը և կօգնի ձեզ ավելի արագ քնել:

• Մի խնայեք քնի վրա։ Եթե գիշերը չեք կարողանում բավականաչափ քնել, անպայման կեսօրին մոտ մեկ ժամ քնեք: Այս սկզբունքին հավատարիմ են Իտալիայի բնակիչները, որոնք հայտնի են իրենց սիեստայով՝ ցերեկային քնով։

• Վեր կացեք ինքնուրույն, ոչ թե զարթուցիչով: Առավոտյան բարձր հնչող մեղեդին կարող է ընդհատել քնի դանդաղ փուլը, իսկ հետո դուք անպայման «կոտրված» կզգաք, երբ արթնանաք։

3. Ակտիվություն

Վաղաժամ ծերացման ենթակա է ոչ միայն մեր մարմինը, այլև ուղեղը, որը 45 տարի անց սկսում է գլոբալ «վերակազմավորում» ապրել: Այս օրգանը կարելի է համեմատել մի ամբողջ գործարանի հետ, որտեղ շարունակաբար տեղի են ունենում տարբեր կենսաքիմիական գործընթացներ։ ԴՆԹ-ի տարբեր մուտացիաների և միտոքոնդրիումների (բջիջների էներգիայի հիմնական աղբյուրի) վատ աշխատանքի պատճառով ուղեղի աշխատանքն աստիճանաբար դանդաղում է, և մարդը կարող է խնդիրներ ունենալ հիշողության ու կենտրոնացման հետ:

Ճանաչողական գործառույթների զարգացմանն ուղղված գործունեությունը կօգնի կանխել ուղեղի վաղ ծերացումը: Օրինակ՝ կանոնավոր գրքեր կարդալը և օտար լեզուներ սովորելը ուղեղին թույլ է տալիս կառուցել նոր նյարդային կապեր, իսկ երաժշտական գործիքներ նվագելը զարգացնում է երկու կիսագնդերը՝ մեծացնելով կենտրոնացումը:

Որպեսզի ձեր ուղեղը հնարավորինս երկար «տոնուսի» մեջ մնա, մի մոռացեք վիտամինների և հանքանյութերի պակասը լրացնելու մասին։ Ամենակարևոր միացություններից մեկը, որի դեֆիցիտը կարելի է հանդիպել յուրաքանչյուր երկրորդ մարդու մոտ, վիտամին D-ն է, որի պակասը նվազեցնում է գորշ նյութի զանգվածը՝ արագացնելով ծերացման գործընթացը։

Աղբյուր` LADYNEWS.am

http://ladynews.am/arm/news/9492/erkarakyacneri-3-sovorutyun-oronq-kankhum-en-vagh-tseracumy