ՊԱՅԾԱՌԱՏԵՍ. «ԹՇՆԱՄՈՒ ԿՈՂՄԻՑ ԿԱ ԱԳՐԵՍԻՎ ԵՎ ՀԱՆԿԱՐԾԱԿԻԻ ԲԵՐՈՂ ՊԼԱՆՆԵՐ»
Արխիվ 16-20Հնարավո՞ր է առաջիկայում լայնածավալ ռազմական գործողություններ սկսվեն սահմանին, ինչպիսի՞ քաղաքական ամառ է պետք սպասել: Այս կարգի հարցերի հետ կապված վերջին ժամանակներս կարծիք-մեկնաբանությունների պակաս չկա: Եվ քանի որ քաղաքական այրերի գնահատականները հիմնականում իրարամերժ են, քիչ հստակեցում տվող, մենք էլ փորձեցինք պարզաբանումներ ստանալ հայտնի էքստրասենս, պայծառատես ԿԱՐԵՆ ԱՓՈՅԱՆԻՑ, ով մեզ հետ զրույցում նախ անդրադարձավ սահմանային իրավիճակին.
- Թշնամու կողմից կա կոնկրետ նպատակադրված ագրեսիվ եւ հանկարծակիի բերող պլաններ: Այս պահին մեզ դեռեւս հաջողվում է չեզոքացնել վտանգը, բայց հակառակորդին չպետք է թերագնահատել: Որովհետեւ, կրկնում եմ, կա իրենց կողմից հստակ նպատակ` հանկարծակիի բերել մեզ: Այդ իսկ պատճառով պետք զգոն լինենք: Ամեն դեպքում, ինչ էլ որ պատահի, տեւելու է շատ կարճ:
- Ի՞նչ շրջադարձային փոփոխություններ են սպասվում նոր Հայաստանի պատմության մեջ:
- Գիտակցական մակարդակով է շատ բան փոխվել: Ուզում եմ ընդգծել, որ ներկայիս փոփոխությունները չպետք է վերագրել կոնկրետ մի անձի` դա արեցինք բոլորս: Սակայն բացասական էներգիան դեռ կա մեր մեջ, եւ առաջիկա երեք տարում երկրի առջեւ լինելու են շատ լուրջ մարտահրավերներ, որոնք պետք է հաղթահարենք ազգովի: Մի բան էլ կա, որը հստակ երեւում է ինձ. Նիկոլը գործում է միայնակ: Ճիշտ, թե սխալ, դա այլ խնդիր է, բայց հստակ է, որ չի ուղղորդվում ինչ-որ անձանց կողմից: Իր թիմակիցներից ոմանք, այ՛ո, չպետք է զբաղեցնեին որոշ պատասխանատու պաշտոններ, քանի որ անփորձ են, բայց առանձնացնելուց ու կոնկրետ գնահատականներ տալուց զերծ կմնամ: Ավելի շատ մենք մեր ուժերը պետք է ուղղենք դեպի սահման, կան խնդիրներ, որոնք կարող են լուրջ բարդություններ առաջացնել պատերազմի պարագայում: Չեմ ուզում մանրամասնել, թե կոնկրետ ինչ խնդիրների մասին է խոսքը, բայց մենք շատ ենք զիջում իրենց: Սակայն եթե խնդիրները վերացնենք, անգամ մի զինվորի զոհվելու հավանականությունը պատերազմի ընթացքում կարող ենք չեզոքացնել: Մենք ունենք այդ ռեսուրսները: Ընդգծեմ նաեւ, որ առաջիկա երեք տարիներին հայ ժողովուրդը զավեշտալի, զարմացնող, հիասթափեցնող եւ նաեւ ուրախացնող փաստերի է ականատես լինելու:
- Վերջին շրջանում նախկին եւ ներկա պաշտոնյաներ են բերման ենթարկվում, ձերբակալվում, կալանավորվում: Առաջիկայում ի՞նչ ձերբակալություններ են սպասվում:
- Շատ արագ կերպով բացահայտվելու է մարտի 1-ի կծիկը:
- Այդ առումով ի՞նչ է սպասվում ՀՀ երկրորդ նախագահ Ռոբերտ Քոչարյանին:
- Ես իրավունք չունեմ նման բաներ բացահայտ հանրայնացնել, բայց երեք նախագահներին էլ լուրջ խնդիրներ են սպասվում: Ամենաառաջնային վտանգն այս պահին կախված է առաջին նախագահի գլխին: Քանի որ ներկայիս երկրի հիմքերը խարխլվել եւ քանդվել են հենց նրա դիտավորության եւ ամենաթողության արդյունքում, ինչը մինչ օրս ազդում է մեր երկրի բնականոն զարգացման վրա:
Զրույցը` ԻԼՈՆԱ ԱԶԱՐՅԱՆԻ