ԿԱՐՃ ԼՈՒՐԵՐ

«Մեր ազգը հիվանդ է լիբերալ քաղցկեղային վիրուսով» (Տեսանյութ)

30.01.2018 20:30 ՕՐՎԱ ՊԱՏԿԵՐ ԹԵՄԱ ՀԱՆՐՈՒԹՅՈՒՆ
«Մեր ազգը հիվանդ է լիբերալ քաղցկեղային վիրուսով» (Տեսանյութ)

Ըստ ԵՊՀ դոցենտ, կենսաբանական գիտությունների թեկնածու ՄԱՐԻԵՏԱ ԿԱՐԱՊԵՏՅԱՆԻ, մեր ազգը հիվանդ է, իսկ թե ինչպես է այն առաջացել, եւ ինչու են այն խրախուսում, մանրամասներ ներկայացրեց «Ավանդական ընտանիքի հաստատությանը արդիական սպառնալիքներ եւ մարտահրավերներ (իրողությունների գնահատականներ եւ 2017 թ. պայքարի արդյունքներ)» խորագրով համաժողովի ժամանակ:

«Ազատ խոսքի իրավունքի իրացումը ներկայումս խիստ ճնշումների է ենթարկվում»

Այդ հիվանդության  հարուցիչը կոչվում է լիբերալ քաղցկեղային վիրուս, որը տեղեկատվական միջոցներով ներմուծում են այս կամ այն թիրախավորված երկիր եւ ավերում այն: Այսօր մենք ունենք այն, ինչ որ արել է այդ վիրուսը՝ ներարկվելով մարդկանց ուղեղներում:

– Տիկին Կարապետյան, Ձեր կարծիքով՝ ինչպե՞ս պետք է դիմակայենք այդ վիրուսին:

– Ուժեղացնել մեր հասարակության իմունային համակարգը: Հասարակության իմունային համակարգը, քաղաքացիական հասարակությունն է, որը իրազեկում է այս կամ այն ոլորտում երկրի վտանգի մասին, եւ իշխանությունները համապատասխան միջոցներ են ձեռնարկում: Բայց մեր երկիրն այսօր հիվանդ է մեկ այլ՝ աուտոիմունային սինդրոմով, որը պայքարում է ինքն իր իմունային համակարգի դեմ: Դրա համար էլ չեզոքացվում են քաղաքացիական հասարակության բոլոր նախաձեռնությունները:

– Այդուհանդերձ, հիվանդության ախտանիշը տալով՝ պայքարի միջոց չե՞ք տեսնում:

– Սովորաբար, բժշկության մեջ հիվանդության դեմ պայքարելու համար տալիս են համընդհանուր մի դեղ, որը կպայքարի տվյալ հիվանդածին օջախի դեմ: Բայց հիմա կա մի նոր կոնցեպտ, որի համաձայն, պետք է պայքարել ոչ թե այդ հիվանդության դեմ, այլ ուժեղացնել մյուս օրգաններինը, որպեսզի դրանք եւս չվարակվեն: Դրա համար էլ ասում եմ, որ պետք է ուժեղացնել իմունային համակարգը:

– Ձեր գնահատմամբ՝ ինչի՞ հետեւանք է այն, որն այսօր համարում եք հիվանդություն:

– Մեր հասարակության բոլոր խնդիրները գալիս են նրանից, որ մենք չունենք ազգային գաղափար: Մինչդեռ ցանկացած պետություն զարգանում է հենց ազգային գաղափարի վրա: Եթե լինի ազգային գաղափար, դպրոցական ծրագրերն էլ կմշակվեն այդ գաղափարախոսության վրա, դրսից եկած օրենքներն էլ ոչ թե, ուղղակի, կթարգմանեն հայերեն, այլեւ այն կհամապատասխանեցնեն այդ գաղափարախոսությանը:

ՀՐԱՆՏ ՍԱՐԱՖՅԱՆ

 

КОМСОМОЛЬСКАЯ ПРАВДА