Ինչու եք ուզում "հագնել" Ոստիկանապետի կոստյումը, երբ այն ակնհայտ ձերը չէ. Արմեն Դանիելյան

ՀՀ գլխավոր դատախազի նախկին տեղակալը գրում է. 

Ինչու եք ուզում "հագնել" Ոստիկանապետի կոստյումը, երբ այն ակնհայտ ձերը չէ... Անցել է շուրջ վեց ամիս, իսկ Ոստիկանապետի պաշտոնակատար Արման Սարգսյանն իր նախորդի նման դեռ "մատը֊մատին չի խփել"... 
Այն որ սույն պաշտոնյան բացի "տնավարի տարբերակով" իր արժան֊չարժան մտերիմներին պաշտոններ է "շռայլել", դա անբեկանելի փաստ է... այն որ նա որպես ոստիկան չունի սեփական "կոնցեպցիան" բարեփոխելու ոստիկանության համակարգը, դա ևս անվիճելի փաստ է... Բայց որ հանուն բաղձալի պաշտոնի Արման Սարգսյանը "ունակ է իր ղեկավարած" համակարգի անմիտ ու փնթի գործունեությամբ "վարկաբեկել" և  խորացնել անստահությունը Ոստիկանության նկատմամբ, դա այլևս ցավալի իրողություն է...
Հ.Գ. Եթե այնուհանդերձ գնդապետ Արման Սարգսյանի "երազանքն է" դառնալ ՀՀ Ոստիկանապետ և "բնաջնջել" այդ համակարգը, ուրեմն նա անդառնալիորեն կորցրել է սերն ու հարգանքը պետության և ոստիկանության նկատմամբ... իսկ եթե այդուհանդերձ դեռ հավակնում է դառնալ Ոստիկանապետ, ապա թող հյուրընկալի որևէ հեռուստաընկերությունում և ուղիղ եթերում ներկայացնի իր շուրջ վեցամսյա "քրտնաջան վայելքների" տարեգրությունը...
Հ.Գ. Գնդապետ Արման Սարգսյանը գերազանցեց իր նախորդին, ով  գոնե հիմա "գեներալ֊ախրանիկ է" աշխատում, իր պարագայում՝ դա էլ չի ստացվի... և եթե սույն "անկարող և անունակ" պաշտոնյան նշանակվի Ոստիկանապետի պաշտոնում, ապագայում համալրելու է "ձախողված գեներալների" շարքը...
Դրանում ես առավել քան համոզված եմ...