Ստիպված 27 տարեկան տղաս ա ինձ սրսկում.Կորոնավիրուսով վարակված քաղաքացի

Այսօր «Իրավունք» թերթի խմբագրություն ահազանգ է ստացվել այն մասին, որ կորոնավիրուսով վարակված քաղաքացիներին օգնություն չի ցուցաբերվում, ավելին` անգամ հիվանդներին մերժում են իրենց իսկ միջոցներով հետազոտության ուղարկել: Խմբագրություն ահազանգող կինը մեզ հետ զրույցում փոխանցեց հետեւյալը.

Սվետլանա Բաղդասարյանը, ով բնակվում է Երեւան քաղաքի Նորք-Մարաշ վարչական շրջանում, արդեն բավականին երկար ժամանակ է, ինչ վարակված է կորոնավիրուսով: Տիկինն իր խոսքում նշում է, որ խրոնիկական հիվանդություններն այնքան շատ են իր մոտ, որ դրանց մասին խոսել անգամ չի ցանկանում: Քաղաքացին նշում է, որ շաբաթներ առաջ ինքնազգացողությունը կտրուկ վատթարացել է.

«Կորոնավիրուսի ախտանշաններ ունեի, դիմեցի Երևանի թիվ 2 պոլիկլինիկա, որտեղ բախտիբերմամբ ինձ հանդիպեց չափազանց բարեխիղջ մի բժիշկ Բելլա Խաչատրյան անունով: Թեստ հանձնեցի, պատասխանը դրական եկավ: Բժիշկ Բելլա Խաչատրյանն իր հնարավորության սահմաններում նշանակումներ արեց,սակայն դրանից հետո ամեն բան գնաց դեպի վատը: Հայտնվեցի անելանելի վիճակում: Որտեղ դիմեցի, որ գոնե բուժքույր տրամադրեն մերժեցին: Զանգահարել եմ առողջապահության նախարարության թեժ գիծ, նշել եմ, որ պոլիկլինիկան չունի հնարավորություն, որովհետև հիվանդները շատ-շատ են: Թեժ գծից պատասխանեցին, որ հիվանդանոցներում տեղ չկա: Նկարագրեցի վիճակս, լսափողից այն կողմ նշեցին, որ իմ վիճակը ծայրահեղ ծանր չի և ինձ օգնել չեն կարող:Ե ս անասելի դժգոհ եմ առողջապահական համակարգից, քանի որ անգամ չկա մեկն ,ով դեղերս կներարկի, ստիպված 27 տարեկան տղաս ա ինձ սրսկում, ով ևս վարակված է կորոնավիրուսով, էն դեպքում, երբ ընդհանրապես չգիտի սրսկելու ձևը: Անգամ դիմեցի Նորք Մրաշի հիվանդանոց, որ ինձ «կատե» անեն, գոնե իմ ֆինանասական միջոցներով, բայց դա էլ են մերժել: Ասում են շտապօգնությունը պետք է նպատակահարմար գտնի, բայց անգամ զանգում եմ շտապօգնություն, նրանք էլ կամ չեն պատասխանում զանգերին, կամ պատասխանելուց հետո 1 ժամ ուշ են գալիս>>:

Քաղաքացի Սվտելանա Բաղդասարյանը նաև հավելեց, որ իր ինքնազգացողությունն անասելի վատ է,և երկար խոսել չի կարող:

Հայկ Գևորգյան