ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից

Ո՞ՒՄ ՋՐԱՂԱՑԻՆ ԷՐ ԵԺԿ-ՈՒՄ ՋՈՒՐ ԼՑՆՈՒՄ ՐԱՖՖԻ ՀՈՎՀԱՆՆԻՍՅԱՆԸ

Արխիվ 12-16

Ո՞ՒՄ ՋՐԱՂԱՑԻՆ ԷՐ ԵԺԿ-ՈՒՄ ՋՈՒՐ ԼՑՆՈՒՄ ՐԱՖՖԻ ՀՈՎՀԱՆՆԻՍՅԱՆԸ

 

Հունվարի վերջին, երբ ԵԽԽՎ հայաստանյան պատվիրակության անդամները Ստրասբուրգում իրենց ելույթներով դիմակազերծում էին Ադրբեջանին` ընդգծելով այնտեղի մեծ թվով քաղբանտարկյալների առկայության ու մարդու իրավունքների ոտնահարման մասին, միեւնույն ժամանակ, փորձելով չեզոքացնել ԵԽԽՎ-յան հակահայկական բանաձեւերը, Բրյուսելում ընթացող Եվրոպական ժողովրդական կուսակցության (ԵԺԿ) քաղաքական համաժողովում նույնպիսի ելույթ էր ունենում «Ժառանգություն» կուսակցության նախագահ Րաֆֆի Հովհաննիսյանը` միայն այն տարբերությամբ, որ հնչեցրած քննադատությունն ուղղված էր ոչ թե Ադրբեջանին, այլ Հայաստանին: Թե որքանո՞վ էր ընդունելի նման վարքագիծը, «Իրավունքը» հետաքրքրվեց ԱԺ ՕԵԿ խմբակցության պատգամավոր ՄՀԵՐ ՇԱՀԳԵԼԴՅԱՆԻՑ, ով ինչպես ԵԽԽՎ-ում հայաստանյան պատվիրակության անդամ է, այնպես էլ` որպես «Օրինաց երկիր» կուսակցության ներկայացուցիչ` նաեւ ԵԺԿ անդամ.

– Յուրաքանչյուր կուսակցություն, յուրաքանչյուր քաղաքական գործիչ ինքն է ընտրում իր ելույթների շեշտադրումները, իր մոտեցումներն այնպես, որոնք անհրաժեշտ է համարում:

– Չե՞ք կարծում, որ հակադրություն կա այստեղ. ԵԽԽՎ-ում եւ ԵԺԿ-ում հնչած հայ քաղաքական գործիչների ելույթներում:

– Հակադրության խնդիր չկա: Չմոռանանք, որ ԵԺԿ-ն կուսակցություն է, իսկ ԵԽԽՎ-ն խորհրդարանական վեհաժողով: Տվյալ դեպքում, իհարկե, կան նաեւ որոշակի տարբերություններ մոտեցումների մեջ: Բայց կարեւորն այն է, որ ԵԺԿ նախագահ Ժոզեֆ Դոլը մասնակցեց Ստրասբուրգում ԵԽԽՎ նիստին եւ ասաց իր մոտեցումները շատ հստակ, որ Ղարաբաղյան հիմնախնդիրը պետք է լուծվի ԵԱՀԿ Մինսկի խմբի շրջանակներում, եւ սա է բանակցությունների միակ մանդատը: Այսինքն` սա ԵԺԿ-ի հստակ դիրքորոշումն էր:

– Այնուամենայնիվ, ստացվում է, որ ԵԽԽՎ-ն եւ ԵԺԿ-ն ինչ-որ առումով նաեւ փոխկապակցված են:

– Այդպիսի բան չի կարող լինել, որովհետեւ այնտեղ կան հինգ քաղաքական խմբեր, յուրաքանչյուր քաղաքական խումբ իր գործունեությունն ու տեսակետներն է արտահայտում:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ