Եթե Սերժ Սարգսյանը շարունակեր ղեկավարել երկիրը, հնարավոր է այսօր ունենայինք նաեւ «Օրեշնիկ». Դանիելյան

Հիշեցնեմ, որ 2016 թվականին, ՀՀ երրորդ նախագահ Սերժ Սարգսյանի ղեկավարության ժամանակ, Հայաստանը դարձավ աշխարհում միակ երկիրը (Ռուսաստանից բացի), որն ուներ «Իսկանդեր» օպերատիվ-մարտավարական հրթիռային համալիր։ Բելառուսը եւ Ալժիրը այս համալիրները ձեռք բերեցին ավելի ուշ։

 

Սերժ Սարգսյանը այն առաջնորդն էր, որը, չնայած ճնշումներին, ձեռք բերեց «Իսկանդեր», որով Հայաստանը ապահովվեց ռազմավարական զենքով, որը մինչ օրս մնում է եզակի։

 

Սարգսյանի օրոք Հայաստան բերվեցին ոչ միայն «Իսկանդերները», այլև «Սմերչ», «Պանցիր-Ս1», «Ս-300», «Տոչկա-Ու» և բազմաթիվ այլ զինատեսակներ։ Ընդհանուր առմամբ, Հայաստանի զինանոցը համալրվեց ավելի քան 5 միլիարդ դոլարի զենքով, ինչը Հայաստանը դարձրեց տարածաշրջանի ուժեղ խաղացող եւ ապահովեց նրա անվտանգությունը։

 

Եթե Սերժ Սարգսյանը շարունակեր ղեկավարել երկիրը, հնարավոր է, որ մենք այսօր ունենայինք նաև «Օրեշնիկ», որը կկարողանար պաշտպանել Հայաստանը եւ զսպել Ադրբեջանի ագրեսիան։

 

Սարգսյանի օրոք Հայաստանը լուծում էր տարածաշրջանում ուժերի հավասարակշռության հարցերը, իսկ հայերը Հայաստանում եւ դրա սահմաններից դուրս ապրում էին անվտանգ եւ բարձրացված գլխով», - գրել է ՀՀԿ ԵԿ ղեկավար ՀԵՆՐԻԽ ԴԱՆԻԵԼՅԱՆԸ։