ՌԴ ՊՆ-ն արագորեն արձագանքել է Կուրսկի Սուջա քաղաքի դպրոցին հրթիռային հարվածներ հասցնելու պատմությանը

ՌԴ Պաշտպանության նախարարությունն արագորեն անդրադարձել է Կուրսկի Սուջա քաղաքում տեղի բնակչությանը դպրոցի շենք լցնելու եւ հրթիռային հարված հասցնելու եւ դրանում Մոսկվային մեղադրելու պատմությանը:

«Ուկրաինայի զինված ուժերը հերթական պատերազմական հանցագործությունն են կատարել՝ թիրախային հրթիռային հարվածներ հասցնելով Սուջա քաղաքի գիշերօթիկ դպրոցի վրա:

Սումիի շրջանից հակառակորդի հրթիռների արձակումն արձանագրվել է ռուսական հակաօդային պաշտպանության համակարգերի կողմից։

Այս սադրանքը նպատակ ունի շեղել համաշխարհային հասարակական կարծիքը Կիևի ռեժիմի վայրագություններից, որոնք իրականացվել են Կուրսկի շրջանի Ռուսսկոյե Պորեչնոյե գյուղում։

Ուկրաինայի զինված ուժերի հարվածը քաղաքացիական օբյեկտին ևս մեկ անգամ ցույց տվեց Կիևում իշխանության ղեկին գտնվողների ահաբեկչական, անմարդկային բնույթը, ընդգծել է պաշտպանության նախարարությունը»։

Իսկ ահա ռուսական վերլուծական աղբյուրների մոտ այն համոզմունքն է, որ նման քայլով Կիեւի իշխանությունները ռուս-ամերիկյան բանակցությունենրը ձախողելու նպատակ են հետապնդում:

Նախ, դրանով կարող են սադրել Մոսկվային` գնալ միանգամայն ծանր պատասխան հարվածների, որը կարող է էսկալացիայի նոր մակարդակի հասցնել եւ գոնե ժամանակավորապես կանգնեցնել բանակցությունները, որոնք, ըստ Թրամփի, ակտիվորեն ընթանում են ռուսական կողմի հետ:

Բանակցությունների համար խնդիր կարող է դառնալ նաեւ այն, որ ուկրաինացիները դպրոցին հարվածել են ամերիկյան հրթիռով, որը ԱՄՆ ներկա իշխանություններից ռեակցիա է պահանջում:

«Իսկ այն, որ շատ արագ այս ամենի թիկունքում կծկեն բրիտանական ականջները, կարևող եք չկասկածել»,- գրում է ռուսական աղբյուրներից մեկը: