New York Times. Եվրոպայի հանդեպ ԱՄՆ վերաբերմունքը սարսափ ֆիլմ է հիշեցնում

ԱՄՆ-ի վերաբերմունքը Եվրոպայի նկատմամբ, որը փոխվել է ԱՄՆ նախագահ Դոնալդ Թրամփի իշխանության գալուց հետո, եւ սարսափ ֆիլմ է հիշեցնում: Այս մասին գրում է New York Times-ը։

Ավելի վաղ Monde թերթը գրել էր, որ Մյունխենի անվտանգության համաժողովը պատմական խզում է արձանագրել ԵՄ-ԱՄՆ հարաբերություններում, ինչը պահանջում է ԵՄ-ի ավելի շատ ներդրումներ պաշտպանության ոլորտում, ներառյալ սառեցված ռուսական ակտիվների ուղղակի օգտագործումը: Հրատարակությունը նշում է, որ Եվրոպան «հայտնվել է իր անվտանգության կախվածության մեջ» «դաշնակիցից, որն իրեն ավելի շատ թշնամի է պահում, քան ընկեր» և հասկացել է, որ պաշտպանությանը հատկացված ռեսուրսները անբավարար են։

«Թրամփի վարչակազմը ոչ միայն դաշնակիցներից է խնդրում ավելի շատ վճարել սեփական ռազմական պաշտպանության համար: Նա սպառնում է հրահրել առևտրային պատերազմ, որը կարող է ավելի դժվարացնել այդ նպատակով միջոցներ հայթայթելը... Դա ինձ հիշեցնում է 1993 թվականին նկարահանված «Մարմնի հափշտակող» սարսափ ֆիլմը, երբ գլխավոր հերոսները կամաց-կամաց հասկանում են, որ իրենց սիրելի մարդկանց փոխարինել են հրեշ-դոպելգանգերները: Խուճապը մասամբ գալիս է այն բանից, որ չիմանալով, թե ում կարող ես վստահել, և գիտակցելով, թե որքան խոցելի ես, երբ դաշնակիցը դառնում է ագրեսոր»,- գրում է Ստոկմանը:

Ինչպես նշում է լրագրողը, եվրոպացիներն օրենց այսքան «մերկ ու խոցելի» չեն զգացել սերունդների ընթացքում։

Ավելի վաղ Թրամփը քննադատել էր Եվրոպային ՆԱՏՕ-ի պաշտպանունակության մեջ ունեցած ցածր ներդրման համար և բոլոր անդամ երկրներից պահանջել էր պաշտպանական ծախսերը հասցնել ՀՆԱ-ի 5%-ի։ Միևնույն ժամանակ, Պենտագոնի ղեկավար Փիթ Հեգսեթը վստահեցրել է, որ ԱՄՆ-ը դեռ չի պատրաստվում կրճատել իր ռազմական ներկայությունը Եվրոպայում։

Բացի այդ, Թրամփը ստորագրել է գործադիր հրաման՝ երկիր պողպատի և ալյումինի բոլոր մատակարարումների համար 25% մաքսատուրքեր սահմանելու մասին։ Եվրահանձնաժողովի նախագահ Ուրսուլա ֆոն դեր Լեյենը հայտարարել է, որ ԵՄ-ն ափսոսում է մաքսատուրքեր սահմանելու ԱՄՆ որոշման համար և սպառնացել է պատասխան քայլերով։