Ծայրահեղ անբարենպաստ իրավիճակ է ստողծվում Կոնստանտինովկայի համար. Ուկրաինական ԳՇ-ի աղբյուր

Ռուսաստանի զինված ուժերը հասել են Նովայա Պոլտավկայի ծայրամաս՝ Կոնստանտինովկայի ուղղությամբ։ Այս մասին հայտնում են մի շարք ռազմական աղբյուրներ (Քարտեզ 1): Սրանով ռուսական ուժերը բավականին լայն ճակատով ֆիզիկական վերահսկողություն են սահմանել Պոկրովսկ-Կոնստանտինովկա ռազմավարական նշանակության մայրուղու վրա (Քարտեզ 2):

Ուկրաինական ռազմական աղբյուրները եւս ծայրահեղ վտանգ են տեսնում Կոնստանտինովկայի ուղղությամբ: «Ռուսական բանակը մեծացնում է ճնշումը Կոնստանտինովկայի ուղղությամբ՝ ստեղծելով մի շարք սպառնալիքներ Ուկրաինայի զինված ուժերի համար»,- նոր զեկույցում գրում է Գլխավոր հետախուզական վարչության համար աշխատող Deep State ռազմական վերլուծական ռեսուրսը (Deep State քարտեզում)։

Ըստ աղբյուրի, Ռուսաստանի զինված ուժերը մեծացրել են օպտիկամանրաթելային գծերի վրա աշխատող անօդաչու թռչող սարքերի եւ կառավարվող ավիառումբերի օգտագործումը, որոնցում նրանք առավելություն ունեն։ «Ցավոք, մենք դեռևս հետ ենք մնում այս ուղղությամբ», - բողոքում է DS-ը։
Ռուսները «ուժեղացնում են քաղաքում շարժվող ամեն ինչի «որսը», ինչպես նաև քաղաքից մարտական ​​շփման գիծ տանող լոգիստիկ ուղիների արգելափակումը, ինչը բավականին զգալի վնաս է հասցնում»։
Աճում է նաև Ռուսաստանի զինված ուժերի՝ Կոնստանտինովկայից արևմուտք հասնելու սպառնալիքը, եթե ռուսական զորքերի առաջխաղացման տեմպը շարունակվի Սուխա Բալկայի և Նովոոլենովկայի տարածքում։
«Նովոլենովկայի տարածքում գտնվող Պոկրովսկ-Կոնստանտինովկա մայրուղու ելքի շարունակությունը կարող է դառնալ արևմտյան կողմից դեպի Կոնստանտինովկա հարվածը, ինչը կստեղծի ծայրահեղ անբարենպաստ իրավիճակ և՛ Կոնստանտինովկայի, և՛ Տորեցկի համար», - գրում է Deep State-ը։
Ուկրաինական աղբյուրն այս հարձակման կոմպոնենտ է համարում Չասով Յարի և Ստուպոչկիի բարձունքների ուղղությամբ ռուսական առաջխաղացումը` միանգամայն տեղին նշելով, որ եթե դրանք անցնեն ռուսներին, ապա ռուսական զորքերը կկարողանան կրակի տակ դնել ամբողջ Կոնստանտինովկայի ագլոմերացիան, «որով անցնում է Ուկրաինայի զինված ուժերի լոգիստիկայի զգալի մասը»։ Ավելին, դուրս կգան Կոնստանտինովկայի հյուսիսային թեւ, երբ կա սպառնալիք` նաեւ արեւմտյան թեւ դուրս գալու համար: Մինչդեռ Կոնստանտինովկայի արեւելքում եւ հարավում ռուսական վերահսկողություն է:

Սակայն ուկրաինական բանակի ամենամեծ խնդիրը մնում է այն, որ ռուսական ուժերը Դոնբասի ուղղությամբ ակտիվ հարձակում են իրականացնում շատ լայն ճակատով` Լիմանից մինչեւ Վելիկայա Նովոսյոլովկայի գոտի, որը փակելու հարցում ուկրաինական կողմն ունի գմալով միայն սրվող ռեզերվների պակաս (Քարտեզ 3, 4):