Ծառուկյանի խաղատան համար պետբյուջեից հայտարարված 4.2 մլրդ դրամի փոխարեն 5.6 մլրդ դրամ է վճարվել․ hetq.am
ՀասարակությունՊետական բյուջեից ԲՀԿ ղեկավար Գագիկ Ծառուկյանին պատկանող խաղատան՝ «Շանգրի լա»-ի (շահագործող՝ «Օնիրա Քլաբ» ՍՊԸ) փոխարեն վճարվել է ոչ թե 4.2 մլրդ դրամ, ինչպես նախապես հայտարարվել էր, այլ՝ 5.6 մլրդ դրամ։ Այս մասին «Հետք»-ը տեղեկացել է Ֆինանսների նախարարությունից և որոշման փաստաթղթերից․ գրում է hetq.am-ը։
2020 թվականին, կորոնավիրուսի համավարակի տարածման պայմաններում, խաղատունը չի գործել։ Բայց, միևնույն ժամանակ, Պետական եկամուտների կոմիտեն պահանջել է, որ «Օնիրա Քլաբ»-ը շարունակի պետական տուրք վճարել, քանի որ խաղատան լիցենզիան շարունակել է գործող մնալ։ Խաղատունը կազմակերպող «Օնիրա Քլաբ»-ը հրաժարվել է վճարել, դատական քաշքշուկների մեջ է հայտնվել ՊԵԿ-ի ու Ֆինանսների նախարարության դեմ։
Ամեն ինչ հանգուցալուծվեց, երբ Կառավարությունը որոշեց հարկատուների հաշվին փակել «Օնիրա Քլաբ»-ի պարտքերը։ Թե՛ Կառավարության ներկայացրած նախագծում, թե՛ գործադիրի հուլիսի 7-ի նիստի քննարկումների ժամանակ հայտարարվեց, որ 2022 թվականի պետական բյուջեից 4.2 մլրդ դրամ կհատկացվի «Շանգրի լա» խաղատան լիցենզիայի պետական տուրքը մարելու համար։ Սակայն, ինչպես երևում է, Կառավարության հաշվարկները փոխվել են, այդ թիվը դարձել է 5.6 մլրդ դրամ, որի մեջ ներառվել են նաև վճարումն ուշացնելու համար հաշվարկված տույժերը։
Իսկ մինչ այդ, ընկերությունը դիմել է Ֆինանսների նախարարությանը և խնդրել խաղատան կազմակերպման լիցենզիայի գործողությունը կասեցնել մինչև 2022 թվականի հոկտեմբերի 1-ը։
Մանրամասները՝ սկզբնաղբյուրում։