ՀՐԱՏԱՊ. Վահագն Չախալյանը պահանջագիր ներկայացրեց ԱԱԾ-ին

Ազգային արժեքների պաշտպանության «Կամք» հասարակական նախաձեռնության հիմնադիր ՎԱՀԱԳՆ ՉԱԽԱԼՅԱՆԸ պահանջագիր է ներկայացրել Ազգային անվտանգության ծառայությանը՝ խնդրելով հանցագործությունների դեմ պայքարի գործառույթների շրջանակներում պարզել Երեւանի Արաբկիր համայնքում գտնվող «Պաշարված Լենինգրադի երեխաներին» հուշարձանն անարգած Սամվել Շիրինյանի կապերը Ադրբեջանի կամ Թուրքիայի հանրապետության հատուկ ծառայությունների, Հայաստանում գործող քաղաքական ուժերի հետ, ինչպես նաեւ նրա իրական շարժառիթները:

Վ. Չախալյանը նաեւ պահանջել է դեպքի առթիվ նախաձեռնել քրեական վարույթ եւ Ս. Շիրինյանի նկատմամբ քրեական հետապնդում հարուցել նաեւ ՀՀ քրեական օրենսգրքի 329-րդ հոդվածի 2-րդ մասի 3-րդ կետով (ատելություն, անհանդուրժողականություն եւ թշնամանք հրահրելուն ուղղված հրապարակային կոչեր):

«Այդ իբրեւ վրդովված քաղաքացու վերաբերյալ ինձ մոտ հիմնավոր կասկած առաջացավ հենց առաջին պահից, որովհետեւ նրան երբեւիցե որեւիցե մի հայկական պահանջատիրական ակցիայի ժամանակ չեմ տեսել: Եթե նա լիներ պայքարող, հայրենասեր մեկը եւ ինչ-որ մի վրդովված արարք աներ, ինձ մոտ գուցե կասկած չառաջանար, բայց քանի որ այդ անձնավորությունը բացարձակապես անծանոթ էր, ինձ մոտ հիմնավոր կասկած առաջացավ, որ նրա շարժառիթները կարող են այլ լինել», - այսպես բացատրեց Վ. Չախալյանը, թե ինչու է դիմել հենց ԱԱԾ-ին: Նա հույս հայտնեց, որ Ազգային անվտանգության ծառայության ղեկավար Արմեն Աբազյանն ընթացք կտա իր պահանջագրին:

ՀՐԱՆՏ ՍԱՐԱՖՅԱՆ

Այս թեմայով Գնդապետ Միհրան Մախսուդյանի որդին 2 ամսով կալանավորեց «Կամք»-ը կոչ է անում ապակենտրոն դուրս գալ փողոց, կազմակերպել անհնազանդության միջոցառումներ Միացե՛ք, ապրիլի 25-ին, ժամը` 12:00-ին մենք լինելու ենք Հանրապետության Հրապարակում. Չախալյան Աղոթք, գործողություն, արդյունք. «Կամք»-ն իրազեկման ակցիա իրականացրեց Ձեւավորեք պայքարի խմբեր, սանձենք հանձնողին. Չախալյանի կոչը հրապարակից