Արշակ Կարապետյանին սպասում ենք Հայաստանում. Արշա՛կ, տուն արի, տրիբունալ այստեղ ստեղծենք. Անդրանիկ Քոչարյան
ՀասարակությունԿպատասխանենք կրակոցներին, երբ զգանք, որ այդ կրակոցներն այնպիսին են, որ նրանց լռեցնելու համար պետք է կրակահերթեր բաց թողնենք. այս պահին պաշտպանական գերատեսչությունը, եթե չի կրակում, նշանակում է՝ կարիքը չկա: Այս մասին, այսօր՝ ապրիլի 9-ին, ԱԺ-ում լրագրողների հետ զրույցում ասաց ԱԺ պաշտպանության հանձնաժողովի նախագահ Անդրանիկ Քոչարյանը։
«Բազմիցս հարցրել ենք Պաշտպանության նախարարին՝ դուք հրաման տվե՞լ եք չկրակելու: Ի միջայլոց, Հայաստանից հերթական փախած պաշտպանության նախարարը խոսում է կրակել տալու-չտալու մասին, Արշակ Կարապետյանի մասին է խոսքը: Չկրակելու որևէ հրաման գոյություն չունի, եթե հրամանատարը գնահատում է, որ պետք է պատասխանի, ինքն այդ պատասխանը կտա»,- ասաց Անդրանիկ Քոչարյանը: Նա հիշեցրեց, որ եղել են ժամանակներ, երբ հայկական կողմը ծավալուն պատասխան է տվել Վարդենիսի ուղղությամբ, ապա նաեւ Ջերմուկի ուղղությամբ. «Այդ ժամանակ կիրառվեցին զինատեսակներ մեր արտադրության, որից հետո հակառակորդը հասկացավ»:
Հիշեցմանը, որ Ադրբեջանի զինուժն ամրացել է Ջերմուկի մատույցներում, Քոչարյանը ասաց. «Առայժմ ամրացան: Եւ այդ «առայժմ» բառը լուծում է բոլոր հարցերը, որովհետեւ ժամանակին մենք էլ շատ բան անտեսում էինք եւ դա բերեց նրան, որ արձանագրվեց մեր ձեռքբերումների կորուստ 44-օրյա պատերազմի տեսքով»:
Լրագրողի դիտարկմանը, թե Արշակ Կարապետյանը քաղաքական հայտ է ներկայացրել, Քոչարյանն արձագանքեց. «Որտե՞ղ է ինքը, դուք տելեվիզորո՞վ եք տեսել, նայե՛ք, այնքան տպավորված է համագումարից, համագումարի դահլիճը ինչո՞ւ ցույց չտվեցիք, միայն էկրանն էր՝ Արշակ Կարապետյանով»:
Դիտարկմանը, թե փաստորեն հետևում է Կարապետյանին, Անդրանիկ Քոչարյանը պատասխանեց՝ իհարկե, ոնց կարող է չհետևել Հայաստանից փախած պաշտպանության նախարարների հետագծին:
«Ես պաշտպանության և անվտանգության հանձնաժողովի նախագահն եմ, Արշակ Կարապետյանին վաղուց եմ հետևում, քննիչ հանձնաժողովի աշխատանքներից սկսած: Ես Արշակ Կարապետյանին եթե գովեի, երկրորդ անգամ չէի կանչի քննիչ հանձնաժողով: Թեման փակվեց. Արշակ Կարապետյանին սպասում ենք Հայաստանում, բոլորս ենք սպասում»,- ասաց Քոչարյանը:
Դիտարկմանը, թե Կարապետյնաը տրիբունալ է ստեղծում, նա արձագանքեց. «Քոռանամ ես, Արշա՛կ, տուն արի, արի տրիբունալ այստեղ ստեղծենք»:
1
526 դիտում
2
508 դիտում
3
503 դիտում
4
437 դիտում
5
311 դիտում
1
2583 դիտում
2
2428 դիտում
3
1980 դիտում
4
1345 դիտում
5
1239 դիտում
1
3023 դիտում
5
1735 դիտում
