Հրայր Կամենդատյանն առաջարկում է գնալ տեղական հանրաքվեի

«Հայաքվե» նախաձեռնության ներկայացուցիչ Հրայր Կամենդատյանն առաջարկում է դիտարկել տեղական հանրաքվե անցկացնելու հնարավորությունը:

«Հանրության ու հատկապես Տավուշի Կիրանց գյուղի բնակիչների ուշադրությանն եմ ներկայացնում տեղական հանրաքվեի մասին օրենքի դրույթներ։ Ուշադիր կարդացեք եւ գնացեք տեղական հանրաքվեի։

Քաղաքական բովանդակություն հաղորդեք ձեր պահանջին, օգտվեք մեր երկրի օրենսդրության հնարավոր լուծումներից։ Հիշեք, որ տեղական հանրաքվեի որոշումը կարող է բեկանել միայն տեղական հաջորդ հանրաքվեն։

Ուշադիր կարդացեք օրենքի դրույթները։

Հոդված 4. Տ եղական հանրաքվեի դրվող հարցերը

1. Տեղական հանրաքվեի կարող են դրվել տվյալ համայնքի բնակիչների համայնքային նշանակության հանրային հարցերը, բացառությամբ՝

1) մարդու և քաղաքացու իրավունքներին, ազատություններին ու պարտականություններին, դրանց իրականացումն ապահովող սահմանադրական երաշխիքների վերացմանը կամ սահմանափակմանը վերաբերող հարցերի.

2) պետության կողմից տեղական ինքնակառավարման մարմիններին պատվիրակված լիազորություններին առնչվող հարցերի.

3) համայնքի ղեկավարի աշխատակազմի ձևավորմանը վերաբերող հարցերի.

4) համայնքի բյուջեի ընդունման կամ փոփոխման, ինչպես նաև համայնքի ֆինանսական պարտավորությունների

կատարման կամ փոփոխման մասին հարցերի.

5) համայնքի սեփականության օտարման մասին հարցերի.

6) բնակչության պաշտպանության, առողջությունն ու անվտանգությունն ապահովող արտակարգ և շտապ

միջոցառումներ ձեռնարկելու մասին հարցերի.

7) պատմության, մշակույթի, բնության հուշարձաններին և արգելանոցներին վնաս հասցնող հարցերի.

8) տեղական հարկերին, տուրքերին, վճարներին վերաբերող հարցերի.

9) միջհամայնքային միավորումներ ստեղծելու վերաբերյալ հարցերի.

10) այն հարցերը, որոնք արդեն իսկ դրվել են տեղական հանրաքվեի նախորդ մեկ տարվա ընթացքում և նույնաբովանդակ են:

1.1. Կառավարության կողմից համայնքների միավորման կամ բաժանման վերաբերյալ օրենսդրական նախաձեռնության դեպքում համապատասխան համայնքների բնակիչները համայնքների միավորման կամ բաժանման  հարցով կարող են նախաձեռնել տեղական հանրաքվե: Համայնքի միավորման կամ բաժանման հարցով անցկացված տեղական հանրաքվեի արդյունքները կրում են խորհրդատվական բնույթ:

2. Տեղական հանրաքվեով ընդունված ակտը կարող է փոփոխվել միայն տեղական հանրաքվեով», - հիշեցնում է Կամենդատյանը:

Այս թեմայով Ինչ ուզում եք, արեք, ես անջատել եմ իմ ինքնապահպանման բնազդը. Նարեկ Մալյան Դատական նիստին ներկաներն ամոթանք են տալիս դատավորին, վերջինս սպառնում է հեռացնել լրագրողներին Նարեկ Մալյանը դատավորի համար անակնկալ ունի Աղոթում եմ Բաքվի եւ Երեւանի բանտերում ապօրինի բանտարկված իմ հայ եղբայրների համար. Նարեկ Մալյան Ընդդիմադիր համարող կուսակցություններն ու անձինք չե՞ն ուզում ցույց տալ, որ համաձայն չեն Արեւմուտքի հրահանգով իրականացվող հակառուսական քայլերի հետ. Այվազյան