Վաշինգտոնը վա-բանկ գնաց գործնականում ողջ աշխարհի դեմ

Երեկ ամերիկյան Կոնգրեսը կայացրեց որոշում, որը գլոբալ առումով շատ ծանր, աշխարհի համար բախտորոշ հետեւանքներ է ունենալու:

Չէ, խոսքը Ուկրաինայի համար 61 միլիարդ տալու մասին չէ: Դա սպասելի էր, այդ փողերի առյուծի բաժինը մնալու է ԱՄՆ-ում, մեջ-մեջ կարվի, եւ ուկրաինական պատերազմի վրա հազիվ թե շատ մեծ ազդեցություն կունենա:

Խոսքը դրան զուգահեռ ընդունված որոշման մասին է, որը թույլ է տալիս բռնագրավել ռուսական սառեցված ակտիվները: Եվ ոչ միայն. որոշումը պարտադրելու է Չինաստանին` TikTok-ի մայր ընկերությանը` վաճառել ամերիկյան սեգմենտը կամ այն արգելել այն Միացյալ Նահանգներում:

Մեկ ամիս առաջ ԱՄՆ-ն առաջարկել էր վաճառել TikTok-ը բարեկամաբար։ Չինաստանն ուղարկեց ամերիկացիներին. այժմ փակումը հարկադրված է լինելու։ Այսինքն, ԱՄՆ-ն սրանով ոտնահարեց մասնավոր սեփականության անձեռնմխելիության սկզբունքը, որը հենց նույն ԱՄՆ-ի եւ արեւմտյան քաղաքակրթության գոյության կարեւորագույն հիմքերից է: Այս որոշմամբ բացվեց «Պանդորայի արկղը». այն նախադեպ է, եւ հիմա աշխահրում բոլորը կարող են այդ հիմքով բռնագրավել ում սեփականությունը, որ ցանկանան: Ու սա առաջին հերթին հենց ԱՄՆ-ի համար է մեծագույն խնդիր. արեւմտյան երկրների մասնավոր կապիտալն ու սեփականություններն են, որ առաջին հերթին ծավալվել է ողջ աշխարհով մեկ, ու հիմա ամեն ինչ հարվածի տակ է: Եվ. նման որոշումից հետո էլ ո՞ր մի խելամիտ սեփականատերը կվստահի ԱՄՆ-ին:

Եվ եթե այստեղ ավելացնենք, որ օրերս ՉԺՀ-ն ըստ էության, ըստ էության, համալրեց «չարիքի առանցքը» (Իրանի և Ռուսաստանի հետ միասին), ապա ​​եզրակացությումը միանշանակ է` որ Վաշինգտոնն իր ձեռքով վերջնականապես ականապատեց գործող աշխարհակարգի մնացորդները` վա-բանկի գնալով գործնականում ողջ աշխարհի դեմ, այդ թվում` սեփական մանկլավիկների։ Թե դա ինչ ձև կունենա և ինչ հետևանքներ կունենա՝ դեռ ոչ ոք չգիտի։

Ընդ որում, կարևոր չէ, թե ով 2024 թվականի նոյեմբերին կմնա/ կդառնա Սպիտակ տան ղեկավար։ Որոշումն արդեն կայացված է, դրա օգտին են քվեարկել ինչպես դեմոկրատները, այնպես էլ` հանրապետականների զգալի մասը։

Մնացածը, թե այս ամենն ուր կտանի ու ինչպես կավարտվի, պարզ կդառնա ապագայի պատմության դասագրքերից: