Գործողությունները կատարվում են սահմանադրական դատարանը զավթելու շուրջ. Լևոն Նազարյան
Արխիվ 16-20Երկրում տեղի ունեցող ներքաղաքական իրավիճակի ,սահմանադրական փոփոխությունների և ներքաղաքական այլ իրադարձությունների մասին, iravunk.com-ը զրուցեց ՀՀԿ երիտասարդական թևի ներկայացուցիչ, Լևոն Նազարյանի հետ:
- Ըստ ձեզ,ինչի՞ համար են արվում սահմանադրական փոփոխությունները,ի՞նչ գնահատական կտաք ապրիլի 5-ին կայանալիք հանրաքվեին:
- Մեր քաղաքական ուժը, հստակ գնահատական է տվել այս գործընթացին ,նշելով, որ սա ընդամենը հակասահմանադրական, հակաիրավական գործընթաց է, որը ծուղակ է դառնալու ոչ միայն գործող իշխանությունների համար, այլև հայ ժողովրդի համար: Գործողությունները կատարվում են սահմանադրական դատարանը զավթելու շուրջ, և այս գործընթացներն արժանացել են միջազգային կառույցների, միջազգային կառույցների դիտորդական խմբերի բացասական գնահատականներին: Հստակ է, որ իշխանությունները չցանկացան կարծիք ստանալ Վենետիկի հանձնաժողովից,որը կարող է լուրջ կասկածի տակ դնել Հայաստանի հեղինակությունը, ժողովրդավարության զարգացման և իրավական պետության կայացման համատեքստում:Մեր քաղաքական ուժը հայտարարել է, որ մենք որևէ կերպ չենք ցանկանում մասնակցություն ունենալ հակասահմանադրական ֆարսին, քանի որ ողջ պատասխանատվությունը կրում է Նիկոլ Փաշինյանը, բնականաբար իմաստ չունի անգամ ՈՉ քվեարկելը:
- Ի՞նչ եք կարծում այս ամենն անձնավորվա՞ծ է,կա տեսակետ,որ այս ամենը կոնկրետ արվում է ՍԴ նախագահ Հրայր Թովմասյանի դեմ:
- Միգուցե կա անձնական խնդիր, կամ անհամաձայնություն,կապված գրիչի դրվագի հետ,բայց երբ մենք խոսում ենք քաղաքական գործընթացների մասին,այդ ամենը կապելով անձնական ֆակտորի հետ,կարծում եմ շատ տխոր է և անլուրջ:Տխուր կլինի նաև այն,որ վերջում պարզվի,որ այս ամենը բխում է Հրայր Թովմասյանի անձից:Ստացվում է,որ Թովմասյանի նկատմամբ նախանձ կա,սակայն հարկ է նշել,որ խնդիրը զուտ անձնական չէ,պարզապես գործող իշխանությունն իր առջև խնդիր է դրել,գրավել անկախ իշխանության երկու թևերը,իր ձեռքում պահելով նաև դատական իշխանությունը,որ դրանից հետո,ինչպես Նիկոլ Փաշինյանն է ասում,իրեն ոչ ասող չլինի:Փաշինյանն ասում էր,որ Հայաստանում չկան դատավորներ,ովքեր իրեն ոչ կասեն,սակայն պարզվում է,որ այդպիսիք կան:Սահմանադրական դատարանը պահպանում է մեր պետականության իմունիտետը,իսկ իշխանությունը խնդիր ունի վերացնել այդ խոչընդոտը:
- Ի՞նչ եք կարծում 650.000 Այո կստանան ներկայիս իշխանությունները:Մասնագետները պնդում են օր ամեն օր նվազում է ներկայիս իշխանությունների ռեյտինգը:
- Ինչպես արդեն ասացի,գործընթացը հակասահմանադրական է,իսկ քաղաքականությունը եթեներ չի սիրում,իսկ գուշակել,թե 650.000 այո ձեռք կբերեն,թե ոչ,կարծում եմ ոչինչ չի ավելացնում:Մեզ պետք է ֆիքսել երկու բան,առաջին՝ հանրաքվեն նպատակ ունի նաև վարագույրի դեր ստանձնել,շեղելով ժողովրդի ուշադրությունը մի շարք կարևոր հարցերից,օրինակ՝ Արցախի հարցից:Իշխանությունները խնդիր ունեն վերադասավորման,երկրորդ՝ վստահության հանրաքվե,գործող
իշխանությանը,բայց պետք է մի բան հստակ ֆիքսել,որ հաղթելու է հիասթափությունը և իրավական պետության վախճանը:
Հայկ Գևորգյան