Ադրբեջանի ՊՆ կանխատեսելի բեմադրությունը. ի՞նչ պարզվեց լուսանկարներից

Ինչպես արդեն հայտնել էինք, օգոստոսի 23-ին ՀՀ ԶՈւ սպա Գուրգեն Ալավերդյանը եղանակային խիստ անբարենպաստ պայմանների պատճառով շփոթվել եւ մոլորվել էր, ապա հայտնվել ադրբեջանական կողմում։ Նրան Ադրբեջանի ՊՆ-ն փորձում է ներկայացնել որպես դիվերսանտ: Այս մասին տեղեկացնում է razm.info կայքը։

Կանխատեսելի էր, որ ադրբեջանական կողմը այս անգամ եւս փորձելու է բեմադրության միջոցով իրենց պնդումների համար ապացուցողական բազա ստեղծել: Արդեն օգոստոսի 24-ի երեկոյան, Ադրբեջանի ՊՆ-ն մեր սպայի լուսանկարի հետ միասին հրապարակում է նաեւ իբր թե նրա իրերի լուսանկարը, որտեղ կան սեւ գույնի հատուկ հանդերձանք (разгрузка), ԱԿ-103 ինքնաձիք, պահունակ, նռնակ եւ կապի միջոց:

Դեռեւս առաջին օրը՝ օգոստոսի 23-ին, երբ Ալավերդյանը հայտնվել էր ադրբեջանական կողմում, ոչ պաշտոնական աղբյուրներում, սոցցանցերում տարածվել էր տեսագրություն, որտեղ Ալավերդյանը առանց այդ հանդերձանքի էր:

Ավելին՝ ադրբեջանական կողմը իր հայտարարության մեջ նշել էր, որ «դիվերսիոն փորձը» եղել է Գորանբոյի ուղղությամբ:

Բեմադրության համար իրեր գտնելու հարցում ադրբեջանական կողմը «շատ հեռու չի գնացել». հենց Գորանբոյում, համեմատաբար առաջնագծին մոտ, տեղակայված է Ադրբեջանի ԶՈւ զորային հետախույզների լեռնային պատրաստության կենտրոնը, որտեղ կուրսեր անցնող զինծառայողները մարզումների ընթացքում կրում են նաեւ սեւ հանդերձանք, ինչպես նաեւ ցուցադրված разгрузка-ից, կամ դրան շատ նման մոդելներ: Հետաքրքիր զուգադիպությամբ նույն կենտրոնի զինծառայողները զինված են նաեւ հենց ԱԿ-103 մոդելի ինքնաձիգներով:

Ադրբեջանի ՊՆ-ի հրապարակած լուսանկարը

Ադրբեջանի ՊՆ հրապարակումը

Ադրբեջանի ԶՈւ հետախույզների разгрузка-ները

Այս թեմայով Ադրբեջանն ու Իսրայելը խաղում են «պասերով». Ռոբերտ Մարգարյան Բոլոր կողմերի համար ընդունելի լուծում ո՛չ Ադրբեջանն է կարողանում առաջարկել, ո՛չ՝ Հայաստանը. Բագրատյան Բեյրութում բողոքի ցույցի մասնակիցները փորձել են մտնել Ադրբեջանի դեսպանատուն ԱԳՆ հայտարարությունը Ադրբեջանի իրավազորության ներքո հայտնված սպա Գուրգեն Ալավերդյանի իրավունքների ոտնահարման վերաբերյալ Ադրբեջանի ԱԳ նախարարը Մոսկվայում. Լավրովը հիշեցրել է Հայաստանի բարեկամներին