Շեքսպիրյան միջազգային փառատոնը կոչ է անում դադարեցնել ագրեսիան եւ պահպանել մշակույթը

Թերեւս մշակույթը մնացել է միակ հարթակը, որտեղ Արեւմուտքն ու Ռուսաստանը կարող են հայտնվել մեկ սեղանի շուրջ: Հենց այսպես՝ մեկ սեղանի շուրջ Ռուսաստանից եւ Գերմանիայից ժամանած հյուրերի մեջտեղում նստած՝  Շեքսպիրյան միջազգային թատերական փառատոնի տնօրեն ԿԱՐՈ ԲԱԼՅԱՆՆ ազդարարեց փառատոնի արդեն 16-րդ մեկնարկի մասին: Այս տարի այն կանցկացվի հոկտեմբերի 17-ից 22-ը, ընդ որում՝ հատուկ շեշտադրումով:

«Սեպտեմբերի 13-ին տեղի ունեցած ադրբեջանական ագրեսիայից հետո՝ «Մենք» կազմակերպության հետ միասին որոշեցինք, որ ակցիա-փառատոն պետք է լինի, որպեսզի մեր ձայնը լսելի դառնա միջազգային հանրությանը, ուստի՝ հանդես ենք գալիս #SaveCulture #StopAggression կոչերով»,-  ասաց տնօրեն Կարո Բալյանը:

Նշենք, որ փառատոնի բուն մեկնարկը տրվեց Ալ. Սպենդիարյանի անվան օպերայի եւ բալետի ազգային ակադեմիական թատրոնի «Ռոմեո եւ Ջուլիետ» ներկայացմամբ, որի բեմադրող բալետմայստերը ԽՍՀՄ ժողովրդական արտիստ Օլեգ Վինոգրադովն է:

Այս տարի փառատոնը կհյուրընկալի 10 երկրից ժամանած ավելի քան 250 մասնակցի եւ հյուրի՝ նրանց թվում են հեղինակավոր արվեստագետներ, միջազգային փառատոների տնօրեններ Իտալիայից, Հունգարիայից, Ռումինիայից, Ղազախստանից, Իրանից, Բուլղարիայից, Ռուսաստանից, Վրաստանից եւ Ֆրանսիայից։ Երեւանյան 11 բեմահարթակում կցուցադրվի ավելի քան 19 ներկայացում ՝18 թատերախմբի մասնակցությամբ։

Երեւանի Շեքսպիրյան 16-րդ միջազգայինթատերական փառատոնի հեդլայներ կդառնան Սանկտ-Պետերբուրգի պատանի հանդիսատեսի թատրոնի «Ձմեռային հեքիաթ» (Ռուսաստան) եւ IM Perfect թատերախմբի «Ռոմեո եւ Ջուլիետ» (Իտալիա) ներկայացումները։ Ներկայացում կցուցադրվի նաեւ Գյումրու Վ. Աճեմյանի անվան դրամատիկական թատրոնիբեմում Նովոռոսիյսկի դրամատիկական թատրոնը (Ռուսաստան) կներկայացնի «Լիր արքան»։ Փառատոնի շրջանակում կանցկացվի նաեւ հատուկ ծրագիր «FestOFF» խորագրով, որը նախատեսված է ուսանողների եւ անկախ թատերախմբերի համար։

Փառատոնի օրերին կանցկացվեն վարպետաց դասեր։ Ի դեպ, Երեւանի Շեքսպիրյան փառատոնը ձեռք է բերել բացառիկ համաձայնություն․ փառատոնի օրերին վարպետաց դասեր կվարի հայտնի թատերական ռեժիսոր, մանկավարժ, մի շարք թատերական մրցանակների դափնեկիր Յուրի Բուտուսովը (ՌԴ)։ Սա աննախադեպ հնարավորություն է  հռչակավոր ռեժիսորի հետ շփվելու համար։

Հիշեցնենք, որ Երեւանի Շեքսպիրյան միջազգային թատերական փառատոնն աշխարհահռչակ Եվրոպական Շեքսպիրյան փառատոնների ցանցի անդամ է, միակ Շեքսպիրյան փառատոնն՝ ամբողջ ԱՊՀ-ում: 

Այս թեմայով Ինչ արել ենք, արել ենք` բացառապես ելնելով մեր խղճից. Անի Սամսոնյան Ստիպված էի պատմել իմ պատմությունը՝ թույլ տալով հանդիսատեսին կարեկցել իմ պայքարին. Իբրահիմ Միարի Բոլորը  գոռում են` երգիչներ, դերասաններ ո՞ւր եք… նախ դուք ինքներդ կողմնորոշվեք, նոր մեզ կանչեք. ԱՐՄԻՆԵ ԳՐԻԳՈՐՅԱՆ Վեց տարի է սուտն օրենքով գործում է մեր երկրում. ԱՐՄԻՆԵ ԳՐԻԳՈՐՅԱՆ Երեխաներին մի՛ վանեք ձեզնից, մի՛ տվեք մանկատուն, սա ուղղակի սարսափելի է. Սարգիս Շողունց