Նիկոլը, կարծես թե, իրոք որոշել է աղանդավոր «հուդաներին» հանել Եկեղեցու դեմ
ՀասարակությունԹբիլիսյան խճուղում մի կրոնական կազմակերպության շենք կա, շաբաթ թե կիրակի օրերին այդտեղով անցնելիս անհնար է չնկատել այդ շենքի հարևանությամբ կայանված մեքենաների քանակը: Ֆեյսբուքի էջում գրել է «Քաղաքացիական պայմանագիր» խմբակցության պատգամավոր Բաբկեն Թունյանը․
«Որպես քրիստոնյա և Հայ առաքելական սուրբ եկեղեցու հետևորդ՝ ինձ այս հարցը (աղանդավորների թվի ավելացումը, դրա պատճառներն ու հետևանքները) միշտ հետաքրքրել ու մտահոգել է և ամեն անգամ այդ կողմով անցնելը առիթ է դառնում, որ այդ մասին մտածեմ:
Լրագրող աշխատածս տարիներին անգամ 2 մեծ վերլուծություն էի արել քայքայիչ աղանդների տարածման պատճառների ու հետևանքների մասին:
Ենթադրում եմ՝ Հայ առաքելական սուրբ եկեղեցու բարձրաստիճան հոգևորականներին այս հարցը ավելի շատ է մտահոգում, քան ինձ:
Հիմա մտածում եմ՝ Կոտայքի մարզից Երևան գալիս և ենթադրաբար այդ շենքի մոտով անցնելիս շարժման առաջնորդները կարո՞ղ է մի պահ կանգ առնեն և մարդկանցից հետաքրքրվեն՝ ինչո՞ւ են նրանք երես թեքել Հայ առաքելական սուրբ եկեղեցուց և դարձել աղանդավորական հոսանքի անդամ...»: Մնացածը իմաստ էլ չունի կրկնել:
Այն, որ նիկոլյան դրանիկը դժվարանում է շատ պարզ բաներ հասկանալ, բնական է. համենայնդեպս, երկրի վիճակը ցույց է տալիս, որ ներկա իշխանավորներն իրոք հասկանալու հետ կախված խնդիրներ ունեն:
Ամեն դեպքում, նրա հարցադրման պատասխանը շատ պարզ է: Սույն Թունյանը կարող է իր հին եւ ներկա աշխատավայրում նայել, թե շատերն ինչ փողերով են ապրում. հուշենք, արեւմուտքի տված «հուդայական» փողերով: Կարող է նայել նաեւ աղանդավորներին, որտեղ նորից նույն «հուդայական 30 արծաթներն» են: Իսկ այն, որ մեր երկրում «հուդաների» պակաս չկա, դա էլ հին փաստ: Հիմա երեւի հասկացա՞վ, թե ինչու են շատերը դարձել քաղաքական, շատերն էլ` կրոնական աղանդավոր. հանուն «30 արծաթի»:
Ու եկեղեցին այստեղ կապ չունի:
Իսկ որ Թունյանը որոշել է իր հերթին եկեղեցու տամ մի փոքրիկ «ականիկ» դնել, դա էլ է հասկանալի. շարժման հաջողության դեպքում նա էլ է արածների համար պատասխան տալու:
Հա, սրանով նա մեկ բան է հաստատում` Նիկոլը, կարծես թե, իրոք որոշել է աղանդավոր «հուդաներին» հանել եկեղեցու դեմ: