Մեր թիկունքը բաց թողեց, սրտերը՝ վիրավոր. Արմեն Քուշքյանը՝ Վահե Շահվերդյանի մասին

«Արմմոնո» միջազգային թատերական 21-րդ փառատոնի ներկայացումների շարքում առանձնահատուկ ուշադրության արժանացավ Արմեն Քուշքյանի դերակատարմամբ՝ «Համլետի երազները»:

Մոնոներկայացումը նվիրված էր ՀՀ ժողովրդական արտիստ Վահե Շահվերդյանի հիշատակին. այն բեմադրիչի վերջին աշխատանքն էր: Ներկայացման գործողությունները ծավալվում են գերեզմանափոսում, որտեղ հայտնվել է Համլետը: Հերոսն, ասես, երկխոսում է մահացածների հետ, բանավիճում, տալիս հարցեր, որոնց պատասխանները չի ստանում:

«Վերջին բեմադրությունն էր, վերջին պրեմիերան… Եվ սա ժառանգություն է, որը Վահե Շահվերդյանը թողեց ինձ: Մենք շատ երկար փորձում էինք գտնել ներկայացման լուծումը, շատ տարբեր առաջարկներ կային ե՛ւ իր կողմից, ե՛ւ իմ, բայց, չգիտես ինչու, չհասկացանք ինչպես, կանգնեցինք գերեզմանափոսի ու տապանաքարերի գաղափարի վրա: Շատ երկար ժամանակ ներկայացման ավարտն էինք փնտրում, եւ ինքն ասաց, որ ներկայացումը վերջացնեմ այսպես՝ для кого это новая могила? Սա հրաժեշտ էր… Այսօր ես ավարտը փոխեցի եւ ասացի՝ я знаю для кого это новая могила…. Իմ խոնարհումը հանճարեղ, հրաշալի մարդուն, հրաշալի արվեստագետին, ուսուցչին, ում պարտական ենք բոլոր ուսանողներս ու սաներս: Ինքը մեր թիկունքը բաց թողեց, մեր սրտերը՝ վիրավոր, առանց իրեն մեզ շատ դժվար է», - ներկայացումից հետո չափազանց հուզված ասաց ԱՐՄԵՆ ՔՈՒՇՔՅԱՆԸ եւ խոնարհվեց վարպետի հիշատակի առաջ:

ՀՐԱՆՏ ՍԱՐԱՖՅԱՆ

Այս թեմայով Ամենավտանգավոր մասնագիտության նվիրյալը Տարածքների նվիրումն Ադրբեջանին հանցավոր գործողություն է, որը կբերի նաեւ էներգետիկ եւ լոգիստիկ վտանգների. Մանվելյան Կուզես լինիմ՝ կատարում է ՀՀ վաստակավոր արտիստ Գայանե Ներսիսյանը Գետաշեն՝ կատարում է ՀՀ վաստակավոր արտիստ Գայանե Ներսիսյանը Ինչքա՞ն կարելի է մեր ազգին բզել, վերջը այդ պայթյունը լինելու է, վստահ եմ. Դավիթ Մկրտչյան