Չի լինում. Ալլա Հակոբյան

Կատարում՝ Ալլա Հակոբյան

Խոսքերի հեղինակ՝ Ալլա Հակոբյան

Երաժշտության հեղինակ՝ Ալլա Հակոբյան

ՉԻ ԼԻՆՈՒՄ

1.

Չի լինում...

Առանց Քո կամքի, Տեր, ոչինչ չի կատարվում,

Ծառի վրա տերեւը նույնիսկ չի դողում,

Վեջին իր պարը չի պարում,

Հրաժեշտի մեջ չի պտտվում,

Չի պտտվում եւ չի դողում…

2.

Չի լինում...

Արեւի շողը երկնքից ինձ չի հասնում,

Պատուհանի գոգին հենված չեմ տաքացվում,

Եթե Քո կամքը չի լինում,

Եթե Դու այդ չես արտոնում`

Չեմ տաքացվում, չեմ տաքացնում...

3.

Չի լինում…

Շուրթերս նրա համար այլեւս չեն ժպտում,

Աչքերս նրա համար ցոլքեր չեն արձակում,

Եթե Քո կամքը չի լինում,

Եթե Դու այդ չես արտոնում՝

Էլ չեմ ժպտում, չեմ շողշողում…     

4.

Չի լինում...

Ադամանդի շողի նման միայն փայլում

Եւ ոչ մեկին չեմ ջերմացնում, չեմ գուրգուրում,

Եթե Քո կամքը չի լինում,

Եթե Դու այդ չես արտոնում՝

Միայն փայլում, չեմ ջերմացնում…

5.

Չի լինում...

Եւ երկնքից աստղեր այլեւս չեն թափվում,

Եւ ոչ մի ցանկություն իմ մեջ չի արթնանում,

Եթե Քո կամքը չի լինում,

Եթե Դու այդ չես արտոնում՝

Էլ երկնքից աստղեր այլեւս չեն թափվում…

6.

Էլ չեմ ուզում՝

Այլեւս ոչ մի բան կյանքից այս չեմ ուզում,

Ոտքերիդ տակ եմ ես ընկնում եւ պաղատում ·

«Իմաստության լույսով պատիր,

Քո վահանով ինձ պաշտպանիր,

Տէր, պաշտպանի՜ր, Դու ինձ օգնիր…»

7.

«Օգնի՜ր ինձ, Տէր,

Կանգնած եմ անդնդի եզրին ես գլխակոր,

Խոնարհ սպասում եմ Քո դատին ես ահավոր,

Ճերմակ լույսով ինձ ողողիր,

Ներում շնորհիր եւ արձակի'ր,

Ինձ ազատի՜ր, մեղքերի ծանր բեռից արձակի՜ր…»;

8.

Չի լինում...

Սեւը` սպիտակ, եւ դառը՝ քաղցր, չի դառնում,

Առանց Քո կամքի, Տէր, ոչինչ չի կատարվում...

«Սեւս ճերմակ նորից հագցրու,

Մութ խավարից ինձ ետ դարձրու,  

Թող միշտ լինի

Քո կամքը, Տէր,

Բարի…»

ԱԼԼԱ ՀԱԿՈԲՅԱՆ

Այս թեմայով Փլուզվող իշխանության պատկերը. Լիլիթ Գալստյան Հայ Ազգային Ռամկավար կուսակցությունն իր լիակատար զորակցությունն է հայտնում «Տավուշը հանուն Հայրենիքի» համաժողովրդական շարժմանը. հայտարարություն Անվերջ ստի ու անվերջ վախի սրանց քստմնելի կայսրությունը. Լիլիթ Գալստյան Ինչպես են բերման ենթարկում ՀՀԿ երիտասարդներին Պահը երկրի համար օրհասական է, եւ սխալվելու իրավունք չկա. Վահան Բաբայան