Սա հարված է ոչ միայն հայ-ռուսական հարաբերություններին, այլեւ` պատմական հիշողությանը, որը կրում ենք. Բալասանյան

Լենինգրադի պաշարման ավարտից անցավ ուղիղ 80 տարի. քաղաքի բնակիչները 872 օր անմարդկային ու սարսափելի տառապանքների միջով են անցել: Արցախի 9-ամսյա շրջափակումը տեսած հայ ազգը, թերեւս սեփական մաշկի վրա է զգացել, թե ինչ է այս ամենը նշանակում: Սակայն, ցավալիորեն գտնվեց մեկը Հայաստանում, որ Լենինգրադի պաշարման 80-րդ տարելիցին անարգեց Երեւանի Արաբկիր համայնքում գտնվող «Պաշարված Լենինգրադի երեխաներին» հուշարձանը: Պարզվում է՝ կատարվածը ոմն Սամվել Շիրինյանի «ձեռքի գործն է»: Վերջինս տեսանյութ է հրապարակել սոցցանցերում, որտեղ երեւում է, թե ինչպես է մոտեցել հուշարձանին, տապալել հուշարձանի մոտ դրված ծաղկեպսակները, պատռել ռուսական եռագույնով ժապավենները եւ իր գործողությունները բացատրել հակառուսական հռետորաբանությամբ: Այս մասին «Իրավունք»-ը զրուցեց ԵՊՀ միջազգային հարաբերությունների եւ դիվանագիտության ամբիոնի դոցենտ, միջազգայնագետ ԳՐԻԳՈՐ ԲԱԼԱՍԱՆՅԱՆԻ հետ:

— Ի՞նչ կասեք այն մասին, որ Երեւանում հակառուսներն արդեն անարգում են «Պաշարված Լենինգրադի երեխաներին» հուշարձանը:

— Իհարկե, ցավալի դեպք է, եւ այն պետք է դատապարտվի: Իշխանություններն ամեն ինչ պետք է անեն րոպե առաջ այդ մարդուն հայտնաբերելու եւ պատասխանատվության ենթարկելու համար, որովհետեւ սա հարված է ոչ միայն հայ-ռուսական հարաբերություններին, այլեւ` այն պատմական հիշողությանը, որ մենք կրում ենք: Եվ կարեւոր է, որ նման դեպքերը բացառվեն եւ իշխանություններն օպերատիվ գործեն` անկախ նրանից, թե ում համակիրն է սույն արարքը թույլ տված երիտասարդը: Դեպքն ինքնին դատապարտելի է, եւ պետք է նշել, որ սա, ըստ էության, պատասխանն է այն հետխորհրդային տարիների կրթական ցածր ցենզի եւ ցածր մակարդակի, որ, ցավոք սրտի, ունի մեր հասարակությունը: Տարիներ շարունակ արեւմտյան կառույցների գրանտներով եւ արեւմտյան կառույցների պահանջով` ուղղակի ոչ միայն սրբագրվում է պատմությունը, այլեւ զբաղված են այնպիսի սերնդի դաստիարակությամբ, որը չի ունենա պատմական հիշողություն: Այս առումով ինձ համար, համենայնդեպս, անակնկալ չէր այս դեպքը: Ավելին` կարծում եմ` առաջիկայում դեռ տեսնելու ենք նման երեւույթներ: Սակայն, նաեւ պետք է նշեմ ուշագրավ մի փաստ` այն կառույցները արեւմտյան, ովքեր ցանկանում են Հայաստանում հակառուսականություն բորբոքել եւ մեր երկիրը տանել Ուկրաինայի ճանապարհով, նման մարդկանց վրա են իրենց խաղադրույքը կատարում: Սա խոսում է այն մասին, որ Արեւմուտքը եւ արեւմտյան կառույցներն այսօր Հայաստանում զրկված են փորձագիտական լուրջ դաշտի վրա հենվելու, մասնագիտական խորը գիտելիքներ ունեցող անձնանց վրա հենվելու եւ նրանց միջոցով իրենց քաղաղաքականությունը առաջ տանելու հնարավորությունից: Ուստի` ստիպված են նման մարդկանց միջոցով փորձել Հայաստանում ինչ-որ իրավիճակ փոխել:

— Այս միջադեպի հեղինակը տեսանյութում դժգոհություն է հայտնել ՌԴ ԱԳՆ պաշտոնական ներկայացուցիչ Մարիա Զախարովայի խոսքերից, որը ճեպազրույցի ժամանակ, ի պատասխան Արցախում էթնիկ զտումների մասին պնդումներին, առաջարկել էր հղում տալ որեւէ միջազգային կազմակերպության, օրինակ՝ ՄԱԿ-ի փաստաթղթի կամ հայտարարության, որտեղ նշվում է, որ նման էթնիկ զտումներ են եղել։ Այդուհանդերձ, ո՞րը կլիներ առավել համարժեք պատասխան՝ Մարիա Զախարովայի խոսքերին:

— Շատ ցավալի է, որ նման մարդկանց միջոցով է փորձ արվում պատասխաններ տալ: Սակայն մի բան ես հստակ ցանկանում եմ նշել` ընդհանրապես կան պատասխաններ, որոնք կարող են պետության ապագան արժենալ: Ես չէի ցանկանա, որ այս, այսպես ասած, «պատասխանը» նման պատասխանների շարքին դասվեր:

ՀՐԱՆՏ ՍԱՐԱՖՅԱՆ

Այս թեմայով ՀՀ-ն երախտապարտ է Հունգարիային, որը հանդես է գալիս հակահայկական քաղաքականությամբ. մեդալ են հանձնել Միքայել Արզումանյանը համար մեկ դասական օրինակն է քաղբանտարկյալի. Գրիգոր Գրիգորյան Ադրբեջանը Թուրքիայի պատճառով բավականին լուրջ խնդիրներ է սկսելու ունենալ Իրանի հետ. Բալասանյան Նախապատրաստվում է ներքին հեղաշրջում՝ ամերիկյան սցենարով. Գրիգոր Գրիգորյան Թուրքիան առաջացնում է Իսրայելի քմծիծաղը, Ալիեւը խոստովանում՝ շտապում են, քանի դեռ ՀՀ-ն չի ուժեղացել