Բավական չէ՞ լռեք, եվրոյոնջանե՛ր. Նաիրա Զոհրաբյան

Ընդդիմադիր ակտիվիստ Սամվել Վարդանյանի եւ ՔՊ պատգամավոր Հակոբ Ասլանյանի միջեւ տրանսպորտում տեղի է ունեցել միջադեպ, որի վերաբերյալ խուլիգանության հանցակազմի հատկանիշներով նախաձեռնվել է քրեական վարույթ: Սակայն թե ինչպես են Ս. Վարդանյանին խոշտանգել հետո, էլ ավելի ուշագրավ է, քան տեղի ունեցած միջադեպը: Փաստաբաններ Ռուբեն Մելիքյանը եւ Վարազդատ Հարությունյանը երեկ մամուլի ասուլիսով հանդես եկան եւ տեղեկացրին, որ քննչական գործողությունների ավարտից հետո` Ս. Վարդանյանին ոստիկանության ծառայողները պետք է ուղեկցեին ձերբակալվածների պահման վայր, բայց հետագայում պարզվել է, որ վերջիններս ճանապարհին կանգ են առել` «բնական կարիքները հոգալու» պատրվակով, ձերբակալված անձին մենակ են թողել մեքենայի մեջ եւ հեռացել, որից անմիջապես հետո ձեռնաշղթաներ կրող Վարդանյանի վրա են հարձակվել մի քանի դիմակավորված անձ, դուրս բերել մեքենայից, ծեծել, հայհոյել, փորձել են ստիպել, որ վերջինս կրկնի հայհոյանքներ ինքն իր հասցեին, ինչը քաղաքացին չի կատարել, իջեցրել են տաբատը, մահակը պահել ոտքերի արանքում՝ ահաբեկելով նրան: Արժանապատվությունը նվաստացնող այս գործողություններից հետո նորից նստեցրել են ոստիկանական ավտոմեքենան եւ հեռացել։ Դրանից հետո մոտեցել են ուղեկցող ոստիկանները եւ տարել նրան ձերբակալվածների պահման վայր: Անդրադառնալով վերոնշյալին` «Անվտանգություն եւ ժողովրդավարություն» ՀԿ նախագահ ՆԱԻՐԱ ԶՈՀՐԱԲՅԱՆԸ նախ հիշեցրեց, որ Ս. Վարդանյանը 44-օրյա պատերազմի մասնակից է:

— Ես մանրամասն նայել եմ ՔՊ-ական պատգամավորի եւ Սամվել Վարդանյանի միջեւ տեղի ունեցած միջադեպի կադրերը, չկա որեւէ բռնություն, որեւէ բռնության կոչ, կա մարդու տեսակետ՝ այս իշխանության ներկայացուցչի հանդեպ: Ավելին` տեսանյութից երեւում է, որ տվյալ ՔՊ-ական պատգամավորն է փորձում հարվածել քաղաքացուն, որը փորձում է իր տեսակետը հայտնել: Իրավապահ համակարգը 2018 թվականից սկսած՝ ամեն օր, հարյուր հատ խուլիգանության մեղադրանք պետք է առաջադրեր, Նիկոլ Փաշինյանից սկսած՝ տարբեր տրամաչափի ուսապարկերով վերջացրած, իրենց բռնության, հակասահմանադրական կոչերի համար: Ինչ վերաբերում է Սամվել Վարդանյանին դիմակավորված անձանց կողմից դաժան ծեծի ենթարկելուն, հարց է առաջանում` ինչո՞ւ ձերբակալված անձանց պահպանության վայր ուղեկցող ոստիկանները չեն կանխել: Բոլոր լեգիտիմ իրավունքներն ունենք` վստահաբար պնդելու, որ սա կազմակերպված է եղել հենց իշխանության կողմից եւ իշխանական կոնկրետ թեւի հրահանգով են ինչ-որ դիմակավորված անձինք դաժան ծեծի ենթարկել քաղաքացուն: Դիմում եմ` ՀՀ-ում հավատարմագրված միջազգային կառույցներին եւ եվրոպական դեսպանատներին` բավական չէ՞ լռեք, եվրոյոնջաներ:

ՀՐԱՆՏ ՍԱՐԱՖՅԱՆ

Այս թեմայով Ի՞նչ հպարտ քաղաքացու տոն, մենք Հայրենիք ենք կորցնում. Արթուր Վարդանյան Մենք իրավունք չունենք երկմտելու, կասկածելու, հետ կանգնելու մեր նպատակներից. Տ. Գաբրիել քահանա Վարդանյան Կոպիտ սխալ եմ համարում այս օրհասական պահին հանրային քննարկման առարկա դարձնել այն հարցը, թե ո՛վ պիտի լինի Ամենայն Հայոց հաջորդ հայրապետը. Մելիքյան «Ապագա կա» ասողները կործանել են երկրի ապագան. Աղվան Վարդանյան Հայի ոգին դեռ վերջնական չի վերացել, Տավուշից կարող է սկսվել ամենամեծ պայքարը. Գրիգոր Հարությունյան