Երեւանը ղազախ ռեփեր Սկրիպտոնիտի հետ տժժում էր մարզահամերգային համալիրում

­­Ղա­զախ ռե­փեր եւ բիթ­մեյ­քեր ՍԿՐԻՊՏՈՆԻՏԸ  մեծ հա­մեր­գով հան­դես ե­կավ Ե­րե­ւա­նում՝ Մար­զա­հա­մեր­գա­յին hա­մա­լի­րում:

35 -ամ­յա ռե­փե­րը հայ հան­դի­սա­տե­սի հա­մար կա­տա­րեց ար­դեն հան­րա­հայտ դար­ձած իր ռե­փե­րի ողջ «հա­վա­քա­ծուն»: Ի դեպ, կա­տա­րում­նե­րից մե­կի ըն­թաց­քում պար­զե­լով Հա­յաս­տա­նի պե­տա­կան դրո­շը, ամ­բողջ եր­գը կա­տա­րեց Ե­ռա­գույ­նը ձեռ­քում ա­մուր պա­հած:

Ն­շենք, որ թեեւ ղա­զախ ռե­փե­րը հա­մեր­գի ըն­թաց­քում պար­բե­րա­բար բո­ղո­քում էր ա­կուս­տի­կա­յից, կրկնե­լով, որ ինքն ի­րեն չի լսում աղ­մու­կի պատ­ճա­ռով, սա­կայն շա­րու­նա­կում էր դահ­լի­ճը պա­հել թեժ մթնո­լոր­տում եւ պա­րեց­նել բազ­մա­հա­զա­րա­նոց հան­դի­սա­տե­սին:

­­Ներ­կա­նե­րը պնդում են՝ հա­մա­լի­րում ե­ղել է ան­տա­նե­լի տոթ, ո­րը բա­ցատր­վում է հենց բազ­մա­հա­զա­րա­նոց հան­դի­սա­տե­սի ներ­կա­յութ­յամբ եւ վատ օ­դա­փո­խութ­յամբ, այ­նու­հան­դերձ, հա­մերգն ան­ցել է բարձր տրա­մադ­րութ­յամբ եւ հան­դի­սա­տե­սի ան­դա­դար պա­րով: Իսկ վեր­ջում, ղա­զախ ռե­փեր Սկ­րիպ­տո­նի­տը հա­նե­լով շա­պի­կը, այն նվի­րել է հան­դի­սա­տե­սին` ի նշան հար­գան­քի եւ ե­րախ­տի­քի:

ՆԱՆԱ ՍԱՐԳՍՅԱՆ